大排檔小炒 (華發大廈)

Open Now

Now Closed

想搵個地方食小菜。見到呢間小菜價格適中。決定試一試佢。魚湯蒜子浸時蔬。時菜都有幾多款可以揀。菜心新鮮冇渣。份量兩三個人食剛剛好。魚湯好濃郁似係自己煲出黎。可以當湯飲。😋豉汁蒸魚雲。有一整個大魚頭斬件。蒸嘅火候幾好魚肉嫩滑。調味惹味得黎唔會過咸。淨食唔駛送飯都得。拔絲咕嚕肉。見到差不多枱枱都有叫。果然冇令人失望。咕嚕肉炸漿唔會過厚。肉質柔軟唔會硬。酸甜味唔會太搶好開胃。👍椒鹽九肚魚。相比之下較為普通。外表炸得夠脆。但炸漿調味較淡。如果加重啲椒鹽味會較好。當日好彩到達時間尚早。見到好多枱俾人book哂。所以想食都係book定穩陣。😎