Video
Read full review
2011-06-29
214 views
4月5日, 睇完展覽, 當然係搵食時間~ 沙田有好多特色大排檔, 又有馳名雞粥, 都有食過幾間~ 今晚就嚟到禾輋村嘅陳根記, 貴為openrice得獎熱店, 果真人山人海, 好多街坊食客~ 連位都要自己搵呢下充滿香港風味, 辛苦之下終於搵到搭枱位~::: Wasabi蟹籽手撕雞 ::: $58廚師推介作, 手撕雞加Wasabi蟹籽, 幾新鮮~ 除咗Wasabi蟹籽同手撕雞之外, 仲有火腿加海蟄, 用料十足, 碟頭唔細, 作為開胃菜應該夠4人食~ 手撕雞夠晒凍, 如果佐酒食就更惹味, 火腿又可以更加肉味, 海蟄又有彈牙口感, 夾一撮一齊食有晒唔同感覺~ 再讚一下Wasabi蟹籽, 有少少芥末味, 辣辣地勁開胃~ 佢地都有普通手撕雞, 但係應該唔及呢個惹味, 推介!::: 孜然棒棒骨 ::: $54睇名都諗到, 即係一條棒狀肉骨加上孜然粉~ 原本以為係豬肉或者羊肉嚟架嘛, 原來係6隻雞下髀! 炸得香脆嘅雞脾, 香脆無比, 肉質鮮嫩, 外脆內軟~ 加埋孜然粉, 帶有少少胡椒味, 香味十足, 正! 可能炸到幾乾, 食落唔會一口油膩, 整體有d似kfc炸雞, 可惜呢個肉都係雞, 同手撕雞撞咗…
::: Wasabi蟹籽手撕雞 ::: $58
廚師推介作, 手撕雞加Wasabi蟹籽, 幾新鮮~ 除咗Wasabi蟹籽同手撕雞之外, 仲有火腿加海蟄, 用料十足, 碟頭唔細, 作為開胃菜應該夠4人食~ 手撕雞夠晒凍, 如果佐酒食就更惹味, 火腿又可以更加肉味, 海蟄又有彈牙口感, 夾一撮一齊食有晒唔同感覺~ 再讚一下Wasabi蟹籽, 有少少芥末味, 辣辣地勁開胃~ 佢地都有普通手撕雞, 但係應該唔及呢個惹味, 推介!
::: 孜然棒棒骨 ::: $54
睇名都諗到, 即係一條棒狀肉骨加上孜然粉~ 原本以為係豬肉或者羊肉嚟架嘛, 原來係6隻雞下髀! 炸得香脆嘅雞脾, 香脆無比, 肉質鮮嫩, 外脆內軟~ 加埋孜然粉, 帶有少少胡椒味, 香味十足, 正! 可能炸到幾乾, 食落唔會一口油膩, 整體有d似kfc炸雞, 可惜呢個肉都係雞, 同手撕雞撞咗…
::: 蠔餅 ::: $45
蠔餅不嬲都係大排檔常見菜色, 不過呢度嘅蠔餅就稍嫌失色… 蠔仔份量係幾多, 啖啖都食到肉, 但係唔太新鮮, 仲食到d蠔殼… 炸出嚟嘅蛋餅多油, 亦都唔夠香脆, 粉多過蛋… 廟街貨色應該仲好d~
::: 金銀蛋莧菜 ::: $42
最後叫多個菜, 莧菜都新鮮, 味道唔錯~ 雞蛋皮蛋都好正常, 不過不失~ 讚嘅係個上湯底幾清甜, 為整個菜都生色不少~
::: 白飯 ::: $6x2
白飯裝得滿滿, $6一碗幾抵食~
整體食物味道有水準, 又有特色菜款, 感覺比不遠處金沙角還要好~ 但係落腳點唔係太好, 喺火車站都要行二十分鐘先到~ 要週未嚟食就要早一d, 多朋友一齊食要搵大枱都幾難… 大排檔地方就唔食太企理, 但係膠枱布, 碗筷都算ok乾淨~ 下次我地會再嚟食架~
Post
