潮．悅 (始創中心)

Open Now

Now Closed

原本約咗開學日夜晚食呢餐生日飯,  點知遇著10號風球, 之後一星期又遇到黑雨, 最後在風雨過後順利平安同朋友慶祝生日! 一行8人,  叫咗九個餸四支啤酒埋單都係1400蚊左右 , 幾抵食!  呢間酒樓係食潮州加廣東菜式，叫咗個鹵水拼盤好大碟， 鹵水入味，唔會太鹹， 方魚肉碎粥好味，另外叫咗條魚同灼蝦都好新鮮 ， 蝦肉好實淨鮮甜。 咕嚕豚肉， 川椒雞球，豉油王炒麵， 春菜腩肉煲， 海鮮雜菜煲， 樣樣份量都好足夠 ，味道唔錯。 服務都Ok啦。唯一係酒樓收10點， 食飽同朋友傾多一陣，想坐耐少少就無咁方便。