Video
Read full review
2023-09-10
118 views
一直都想嚟中環呢間「Tempura Jiro」試吓，終於book咗放假嚟食lunch。佢哋午餐有兩個選擇，lunch course (light) 有5款炸物（如果我冇記錯嘅話😅），另外一款係lunch omakase course 有8款炸物，簡單啲講就係一款少啲嘢食另一款多啲嘢食😂，我第一次嚟食，梗係揀多啲嘢食喇！放喺前面嘅會有幾款鹽選擇：黑松露鹽、綠茶鹽、海藻鹽、梅子鹽同埋青檸，另外仲有一碗蘿蔔蓉同埋天婦羅醬汁。醬油漬吞拿魚 - 第一道菜就係醬油漬吞拿魚，吞拿魚上面放多少少Wasabi。花竹蝦 - 炸蝦嘅部份，佢會先上蝦頭再上蝦身，蝦頭炸得非常鬆脆、乾身、薄薄既麵衣、蝦味又濃，我覺得非常出色👍🏻。相反蝦身就一般，唔夠蝦頭出色。北海道粟米 - 粟米本身好甜，而且麵衣都好薄，但係就多咗份油膩。菇 - 呢個雖然係蔬菜類，但係一啲都唔覺得油膩，呢個屬於好食👍🏻。沙椎魚 - 魚骨同肉係會分開炸，魚骨炸得非常鬆脆，肉身炸得剛剛好，令到魚肉唔會太乾，呢個都好食😋。洋蔥 - 原本唔係炸洋蔥，因為我唔食苦瓜，所以就改咗洋蔥，呢一道菜其實真係唔使講，炸洋蔥點可能唔好食😂。茶碗蒸 - 我呢個應該係一個
醬油漬吞拿魚 - 第一道菜就係醬油漬吞拿魚，吞拿魚上面放多少少Wasabi。
花竹蝦 - 炸蝦嘅部份，佢會先上蝦頭再上蝦身，蝦頭炸得非常鬆脆、乾身、薄薄既麵衣、蝦味又濃，我覺得非常出色👍🏻。相反蝦身就一般，唔夠蝦頭出色。
北海道粟米 - 粟米本身好甜，而且麵衣都好薄，但係就多咗份油膩。
菇 - 呢個雖然係蔬菜類，但係一啲都唔覺得油膩，呢個屬於好食👍🏻。
沙椎魚 - 魚骨同肉係會分開炸，魚骨炸得非常鬆脆，肉身炸得剛剛好，令到魚肉唔會太乾，呢個都好食😋。
洋蔥 - 原本唔係炸洋蔥，因為我唔食苦瓜，所以就改咗洋蔥，呢一道菜其實真係唔使講，炸洋蔥點可能唔好食😂。
茶碗蒸 - 我呢個應該係一個海苔嘅茶碗蒸，我自己就唔係好鍾意。
醬油漬三文魚子海苔天婦羅 - 我諗個名應該係咁樣😅，海苔天婦羅炸得非常鬆脆，一啲都唔油，上面再放上醬油漬三文魚子，一啖咬落去成口都係鮮味🥰。
海鰻 - 分開三部份，前身、尾同埋骨，前身比較肥，尾就要少少Q，至於骨就好脆，不過可能之前食咗嗰個魚嘅關係，食呢個好似冇乜驚喜。
番薯 - 唔記得咗日本咩番薯😂其實所有食材都係來自日本。呢個又係冇乜特別。
帶子蝦餅天婦羅飯 - 呢個飯有兩食法選擇，一款係茶漬飯，另外一款就係我呢個配另外一個醬汁同埋麵豉湯。呢個帶子蝦餅炸得好出色就唔使講，麵衣一樣係咁薄，而且佢裏面仲有啲herbs，增加香味，而且一啲都唔油膩，天婦羅同飯中間放咗啲紫菜，加埋醬汁食，好野味！一碗真係唔夠喉😂。我原本好想食呢一間餐廳嘅原因係因為我想食佢哋嗰個黑松露流心蛋飯，點知今日唔係整呢個飯，有少少唔開心，不過經理俾咗張卡片我，話下次再嚟嘅時候早啲通知佢，佢會幫我準備😘。
芝士雪糕 - 就係雪糕冇乜特別。
整體上係好食嘅，雖然我已經食一個full set，亦有可能我大食，覺得好似份量唔係好夠，因為如果你去食壽司嘅我omakase，因為壽司每一嚿都係飯，而天婦羅每一件都係餸，所以比起上嚟冇咁飽，佢雖然最後會有一碗飯，但係碗飯偏細，其實如果個口細啲就會有四啖左右😅，我覺得佢比較適合一啲細食嘅女性，男仔真係⋯⋯
Post
