家後2.0

Open Now

Now Closed

依間想試好耐，但總店成日好多人排，今日經過2.0見無乜人就試下啦。但發現真係名過其實。叫咗灼餃八隻，味道可以，但問題係細隻、餡料少。平日八隻我都夠飽，今日食完要再叫小食。而且分湯上，啲餃再浸湯都係唔夠熱。小食叫咗沙薑雞翼，大隻，但淋得濟，似煮咗好耐。芝士蛋糕味道正常，未到要專登嚟食佢，而且又係太細舊。啲枱亦唔太好坐，本身店員叫我坐四人枱，枱太矮凳太高。後來有其他食客，我搬咗去bar枱，張櫈同枱都唔多穩陣，而且近門口都好熱下。店員唔夠，成日想搵人時都發現樓面無人。