Video
Read full review
2018-12-07
364 views
平時都有聽到鐵人旨花尼個名，知道係一間好特別既日式餐廳，有日式燒肉同日式魚生刺身。於是趁住三週年紀念日, 決定同男朋友一齊去食好D。鐵人旨花正門打開個 menu，其實野食真係花多眼亂。樣樣都想食，但又怕嗌得太多，所以我地揀左一人一個Shika Omakase (師傅發版) 既餐。鐵人旨花餐牌師父話前菜食返少少酸野可以開胃。因為之後會好豐富咁話！水母刺身配柚子汁，水母本身無咩味道，但就非常襯柚子汁，而且好爽口。海苔蟹肉啫喱，無柚子汁咁濃味，蟹肉味突出，口感好特別好滑。至於櫻煮八爪魚，特別在個日式醬油，其實佢無櫻花味，只係覺得佢煮完出黎似櫻花而命名(笑)。左上有水母刺身配柚子汁，右上海苔蟹肉啫喱，中下係櫻煮八爪魚。之後都係食D味道比較清既龍蝦刺身。尼隻龍蝦非常生猛，嚮湯佢之前，師父仲比我地捉住隻龍蝦影相添。即湯龍蝦刺身平時食魚生我地都會點日本豉油同埋加芥末，但係食得尼度既師父發版，當然會有特色好多啦。尼度既魚生拼盤有真鯛，鰹魚，赤貝同埋拖羅。特別在師父係會用唔同既配料黎配合Ｄ魚生帶出另一種風味。好似真鯛咁，師父配左海苔同埋海膽一齊食，原本味道比較淡既真鯛，襯返濃味少少既海苔同埋海膽就帶出左
於是趁住三週年紀念日, 決定同男朋友一齊去食好D。
鐵人旨花正門打開個 menu，其實野食真係花多眼亂。樣樣都想食，但又怕嗌得太多，
所以我地揀左一人一個Shika Omakase (師傅發版) 既餐。
鐵人旨花餐牌師父話前菜食返少少酸野可以開胃。因為之後會好豐富咁話！
水母刺身配柚子汁，水母本身無咩味道，但就非常襯柚子汁，而且好爽口。
海苔蟹肉啫喱，無柚子汁咁濃味，蟹肉味突出，口感好特別好滑。
至於櫻煮八爪魚，特別在個日式醬油，其實佢無櫻花味，只係覺得佢煮完出黎似櫻花而命名(笑)。
師父發牌前菜
40 views
0 likes
0 comments
之後都係食D味道比較清既龍蝦刺身。
尼隻龍蝦非常生猛，嚮湯佢之前，師父仲比我地捉住隻龍蝦影相添。
龍蝦刺身
23 views
0 likes
0 comments
平時食魚生我地都會點日本豉油同埋加芥末，但係食得尼度既師父發版，當然會有特色好多啦。
尼度既魚生拼盤有真鯛，鰹魚，赤貝同埋拖羅。特別在師父係會用唔同既配料黎配合Ｄ魚生帶出另一種風味。
好似真鯛咁，師父配左海苔同埋海膽一齊食，原本味道比較淡既真鯛，襯返濃味少少既海苔同埋海膽就帶出左魚既鮮味。
魚生拼盤
13 views
0 likes
0 comments
聽到魚腩，大家一定會諗好肥，好油膩。
其實拖羅魚腩係好滑，雖然食到成口油，但係完全無肥膩既感覺。
食完仲有好暖添！
拖羅魚腩燒
15 views
0 likes
0 comments
之後黎返個清少少既熟食，鹽燒白雪魚。
但我地都係比較期待跟住落黎既魚生類別！
鹽燒白雪魚
22 views
0 likes
0 comments
跟住落黎就係我地最期待既師父發版壽司喇！
今日師父為我地準備左7款唔同既壽司，我地好似食法國大餐一樣，師父等我地食完一件之後先再整下一件比我地。
第一件黎既係庫山縣白蝦壽司。整尼款壽司要好有心機，因為庫山縣既白蝦比較細隻，所以師父要剥成十幾隻蝦先可以舖滿個舊飯。
雖然細細隻蝦食落口無彈牙既感覺，但係就好有鮮味。
庫山縣白蝦壽司
52 views
0 likes
0 comments
第二樣黎既係深海池魚壽司，味道比較濃，有浸海水魚既鮮味。比起白蝦，係重口味Ｄ既。
深海池魚壽司
51 views
0 likes
0 comments
師父話平政魚係油甘魚個細佬? 因為平政魚同油甘魚屬於同一科目，
個肉質同油甘魚好相似，但係比油甘魚清新。
油甘魚既肉比較軟，而且油份比較多，
但平政魚係細佬既關係，比較嫰口，肉質彈牙，而且無咁多油。
平政魚壽司
54 views
0 likes
0 comments
喉黑魚尼個名，其實係直接形容緊佢既外表，顧名思義就係佢喉嚨個度有條黑線。
好少嚮其他日式餐廳見到尼款魚，第一次食到都覺得好新奇。
佢比平政魚彈牙爽口，而且個海水魚既鮮味更深刻。
喉黑魚壽司
31 views
0 likes
0 comments
金目鯛壽司經過火灸之後，將佢既油份浮晒出黎。
入口個下Ｄ魚油多到可以啷口咁，好暖胃，但完全無個種肥膩既感覺。
金目鯛壽司
25 views
0 likes
0 comments
拖羅壽司用左好靚既拖羅，唔駛咀嚼，入口即溶，一條魚根都無。
嚮拖羅壽司上面白色既其實係拖羅魚眼既眼白，雖然無味道，但係順滑到咕一聲就吞左落肚了。
拖羅壽司
23 views
0 likes
0 comments
最後一款就係馬糞海膽壽司。尼一款壽司師父比左好多心機去整咖。
首先師父用火灸既方法燒左條拖羅魚根，燒出黎既魚油再加少少普通海膽用黎撈勻個壽司飯，
最後先將馬糞海膽舖上個面度，鮮味十足！
馬糞海膽壽司
17 views
0 likes
0 comments
食完壽司之後，師父再準備左鮟鱇魚肝比我地。
個鮟鱇魚肝係用紅酒醃既，甜甜地，夾埋個最終餅食，
好似雪糕三文治。
鮟鱇魚肝
21 views
0 likes
0 comments
到最後黎個首尾呼應，一開始個隻龍蝦剩返既頭同埋殼拎左去滾湯，
飲埋個湯，我地兩個都好滿足。加埋個紅豆雪糕做甜品，尼個三週年既晚餐真係非常滿足呀！
龍蝦湯
28 views
0 likes
0 comments
紅豆雪糕
27 views
0 likes
0 comments
Post
