陳根記 (Moved) New Location

講到沙田/大圍的宵夜，當然不得不提鼎鼎大名的陳根記啦～遊車河遊到開始肚餓，決定去陳根記醫醫肚。必點之選係椒鹽賴尿蝦同豉椒炒蜆。爆香左既蒜令到瀨尿蝦非常香口惹味，而拆開瀨尿蝦殼，咬落去除左蒜香味外，仲有瀨尿蝦本身的鮮味。雖然瀨尿蝦唔係好大隻，但係都相當新鮮，好彈牙。豉椒炒蜆的每粒蜆肉都好入味，要黎送飯的話一流，而且洗得好乾淨食完成碟都無食到沙。雖然以大排檔黎講呢間價錢偏高少少，不過食物質素keep得好所以依然大把fans。