天然豚骨拉麵專門店一蘭

Open Now

Now Closed

一蘭剛在銅鑼灣開店嘅時候，我都有去排隊食過。當時覺得湯底非常好味，但回憶淡淡的，實質係點已經唔多記得。今日再次到訪，選擇左尖沙咀店，8點幾去食竟然唔洗排隊，而且仲有唔少位剩。 呢到同銅鑼灣店好唔同，除左獨立一個個嘅座位，仲有正常嘅餐廳多人枱。環境幾有日本feel！ 點選左<<濃湯底、普通油膩度、一份蒜、白葱>>$89，加半熟蛋$14。湯底濃郁，岩哂鍾意重口味嘅我。普通油嘅油度適中，唔會過份油膩。朋友揀左超濃厚油膩度，d油多到滿怖成個碗面，大家點嘅時候要諗清楚！一蘭嘅湯底真係好好味，但其他配料卻令我有點點失望。隻半熟蛋，火喉似乎控制得麻麻，食落蛋白偏硬，而蛋黃唔夠流心，偏向結結地，非常失望，彩沾麵嘅蛋好食過呢到無限多。而叉燒都無左果種食落好驚喜的感覺，喜歡肉質瘦少少嘅朋友應該會較喜歡，但喜歡半肥瘦的我就覺得爭少少肥膏！ 另外仲有點左<<釜醬汁豚肉燒>>$59，紫菜絲鋪面，同豚肉混合，味道幾得意，但又不算好特別，可以不點。 <<抹茶杏仁豆腐>>$49，質感有少許似布丁。