營然 (Closed)

話說之前去埃及，差唔多日日都食自助餐，就算天生麗質，都會肥咗少少咁囉！返到嚟香港，當然要得輕營啲，咁先可以keep住我魔鬼身型㗎嘛！今日，就去北角營然，主打健康飲食。雙拼餃子 - 香菇粟米豬肉水餃 + 韭菜豬肉水餃全部餃子自家製，包得好飽滿，超級足料，配上高湯，清清地，好健康。餃子皮雖然有啲厚，不過口感一流。一食落口韭菜豬肉水餃，就有好香濃嘅韭菜味，食得出係新鮮包起，十分爽口。另外，香菇粟米豬肉水餃味道豐富，濃郁香菇加粒粒甜粟，真係無得彈！麻辣手撕雞飯手撕雞撕到一絲絲，肉質嫩滑，雞味濃郁，配埋惹味麻辣油，十分醒胃，食多碗白飯都得！無花果蘋果雪梨雪耳燉豬展呢個燉湯一啲都唔馬虎，原盅燉，切粒蘋果雪梨加雪耳，十分足料，入口清甜潤喉。檸檬薏米水 + 羅漢果菊花茶兩杯自家製飲品都無添加糖，非常健康。薏米水十分足料，粒粒薏米，清熱祛濕，再加埋檸檬，有助美白，正！羅漢果菊花茶好香濃羅漢果味，清熱止咳一流！