Video
Read full review
2023-03-13
699 views
朋友話想食泰國嘢咁梗係九龍城搵，一出地鐵站行過隔離街見到有一間好多人排隊等，相信一定唔錯啦，一於排埋一份，見到佢有兩個舖位所以其實等咗唔係好耐就已經入到都去食，坐入去已經見到有好多唔同食物嘅相，實在目不暇給，令到自己都有選擇困難症，見到餐單見到佢寫推介嘅就一於試下啦，同朋友叫咗啲小食，主菜同埋飲品。先上菜既係兩杯飲品，一杯係青檸梳打同埋龍眼冰。青檸梳打口感清爽，食完熱氣野飲一啖，立即涼透心。龍眼冰入面嘅龍眼分量都好多，而且甜度亦都好適中，飲落去都覺得好滋潤。再之後係串燒拼盤，可以揀雞肉，墨魚丸，豬肉同埋雞腎四選三。我哋就無揀雞腎，每種都有兩份，份量充足。串燒唔會話燒得太燶，而且能夠鎖住肉汁，肉質又鮮嫩軟熟，雞肉唔會話燒得好鞋口，豬肉方面肥瘦非常均勻所以食到肉香之餘亦都有嗰種油潤嘅感覺，有啲驚喜。墨魚丸亦彈牙爽口，而沙嗲汁就夠濃味，花生粒都有很多，份量亦都夠多，足夠每一條串燒都可以點到醬汁，唔係辣，非常適合唔食辣嘅人口味。串燒下面有啲薄薄地嘅脆脆，咬落去都好好食，果然配菜都一樣咁重要。泰皇閣招牌炒飯就好似西炒飯一樣。用茄汁炒飯。擺盤一流好適合打卡，就咁見到佢舖上面嘅嗰個蛋都已經覺得廚師畀
先上菜既係兩杯飲品，一杯係青檸梳打同埋龍眼冰。青檸梳打口感清爽，食完熱氣野飲一啖，立即涼透心。龍眼冰入面嘅龍眼分量都好多，而且甜度亦都好適中，飲落去都覺得好滋潤。
再之後係串燒拼盤，可以揀雞肉，墨魚丸，豬肉同埋雞腎四選三。我哋就無揀雞腎，每種都有兩份，份量充足。串燒唔會話燒得太燶，而且能夠鎖住肉汁，肉質又鮮嫩軟熟，雞肉唔會話燒得好鞋口，豬肉方面肥瘦非常均勻所以食到肉香之餘亦都有嗰種油潤嘅感覺，有啲驚喜。墨魚丸亦彈牙爽口，而沙嗲汁就夠濃味，花生粒都有很多，份量亦都夠多，足夠每一條串燒都可以點到醬汁，唔係辣，非常適合唔食辣嘅人口味。串燒下面有啲薄薄地嘅脆脆，咬落去都好好食，果然配菜都一樣咁重要。
泰皇閣招牌炒飯就好似西炒飯一樣。用茄汁炒飯。擺盤一流好適合打卡，就咁見到佢舖上面嘅嗰個蛋都已經覺得廚師畀咗好多心機去煮，入面有不同海鮮配料包括有蝦、青口、魷魚等。全部海鮮都好爽口彈牙，唔會話有種雪味喺度，炒飯粒粒分明，而且茄味十足，非常開胃之餘，加上海鮮鮮味，非常惹味，每一啖飯配大大舊海鮮，令人一啖一啖食唔停手。擺喺蛋上面嘅蝦亦都有走過油，仍然都係咁爽口。
鐵板蠔仔煎蛋，餐廳用鐵板上，鐵板好夠熱一上菜嘅時候仲可以聽到佢吱吱聲嘅聲音，除咗一黎就可以品嘗到熱辣辣嘅煎蠔仔，亦唔會好快凍哂。依間餐廳嘅煎蠔仔份量非常多，足足有一座山仔咁高，而且酥脆香口，蛋香十足。蠔仔亦非常鮮美，隻隻都肥大唔腥，十分惹味。仲有芽菜喺蠔仔嘅下面，可以吸收到蠔仔嘅香味。
兩個人食完三樣嘢已經飽到連甜品都食唔落，都真係覺得好抵食，下次再嚟會再試下唔同嘅食物。見佢另一個舖位裝修嘅風格有啲唔同，下次都想試下坐佢另一個舖位呀。
Post
