初心

Open Now

Now Closed

喺屋企附近新開嘅呢間雞煲火鍋一條龍餐廳，海鮮同埋肉類都有，算係將軍澳區唯一一間滿足到我咁多個願望嘅餐廳。價錢上亦都十分合理，好抵食！三文魚新鮮夠厚，唔會差得過壽司店嗰啲好多。幾款前菜入面以松露蝦多士同椒鹽三文魚頭腩最出色，香口酥脆。雞煲配料十分豐富，枝竹豬皮煮得好入味，雞肉嫩滑，好足料。海鮮拼盤嘅份量驚入，鮑魚有半隻手掌咁大。廣島生蠔同海哯鮮味十足。湯底酸甜醒胃，由蕃茄同香甜粟米煮成。安格斯牛小排雪花紋平均，油脂香同牛味並重。最驚艷嘅反而係佢嘅手打牛丸，彈牙多汁。