616牛肉火鍋專門店 (西菁街)

Open Now

Now Closed

發現附近開咗一間好專門食牛嘅地方，親星期六夜晚就約男朋友一齊去食。好彩有book枱，六點左右去食個場已經full得7788。叫咗好多唔同牛嘅部位，例如：牛駝峰、牛扑肉、牛心、牛腩心、胸口膀等上菜期間，佢送上左哈密瓜俾你食住等。雖然佢點菜嘅時候係用iPad ,每樣嘢食已經附上左圖，但係送到黎嘅時候佢會喺碟牛旁邊加上紙仔話俾你知咩部位😍而且佢點完餐就會送上一個沙漏，只要材料超過20分鐘未上，之後嘅就會免費。不過基本上超快上菜😂5分鐘左右就上齊了。係醬料方面，佢有特製嘅牛嘅肉汁俾你，同埋漿料區嘅材料都算好多，可以自己調配岩口味嘅醬汁。d牛真係唔使講，水準一流之餘仲好新鮮，完全冇凍肉味，質素好高，而且一碟先至＄48到＄68 ,份量都唔細，兩個人食既話叫3 4碟其實都幾足夠有餘。