WIRED CAFE (Closed)

Other Info. : 今次係第二次來這cafe, 服務真係越來越差, D野UN好食都無用, 仲要根本唔係好食！ 第一次去，已經夠好笑。等個pancake等左足足40分鐘，真係40分鐘！！太難忘，搞到我以為自己等緊東京果款souffle pancake...都算，同個friend吹住水等，好，終於來到，切落去，完完全全痴晒底，成浸燶味攻出來，真係火都尼，於是叫一位四眼女侍應來，佢夠膽死答我「係咁架，好正常」我將D湧到出門牙既粗口逐粒吞返落肚，如非必要，我都唔想令D侍應咁難受，我深呼吸，叫佢自己聞下D燶味，同睇清楚有幾咁痴底，佢都仲死撐話「好正常」。好，機會俾左你，你仲係咁得意，我唯有話「麻煩你搵個智商高D既正常職員來同我講野，我同你溝通唔到」然後有位經理過來，馬上道歉，再即刻整返個無痴底，無燶味既pancake來。第一次O咀經驗完。 既然服務咁差，d女侍應咁得意，咁點解仲要去第二次呢？因為我朋友book左枱，好，我辜且俾多次機會呢間餐廳。入到去，已坐滿人，我地4個人當然係想坐一張四位枱啦，唔係book枱來做乜？但佢地竟然俾張十人枱我地坐，然後話要同其他客人share table. 即刻火都來，如果要塔枱，咁請問我做乜要book枱呢？點解唔reserve table俾客人呢？ 果位金毛短髮，樣子分不到男定女，自稱係「經理」既'Nicole Chan"就話嘞「呢度全場都係訂枱架啦」。好，算，我地都坐住張十人枱先，但實在唔想同其他人share枱，傾計唔方便，於是諗住見到有人埋單就調去四人枱。坐左幾分鐘真係有人埋單走，於是我地想調過去坐。 當時未落order，水都無杯serve過我地，餐牌都無俾過我地，即係我地只需要立手袋行過隔離枱就得，乜都唔洗搬，果位金毛「經理」阿Nicole Chan即刻衝出來話唔得，然後仲帶左出面客人入來坐張4人枱，我忍唔住問下人地係訂枱定walk in，佢地答我話係walk in。想問大家，俾你，你火唔火？ 同樣地，我將D湧上喉嚨既粗口吞落肚，一於同個「經理」Nicole Chan理論，點解你唔俾book枱客人調去坐4人枱，而俾walk in客坐呢？就算佢地係訂左枱，咁我地都一樣係訂左枱吖，先來先上岸，點講都應該俾我地坐張4人枱先啦下話？ 果位「經理」Nicole Chan態度勁串，自以為口才好叻咁一輪咀bilibala，我一野喝停叫佢shut up，我都未講完你嘈乜野先? 佢個表情十足果D好唔忿氣既MK妹一樣，我真係好唔明呢D質素！由內到外，點解可以做到經理咁趕客？唔係要你靚，家陣唔係選美，但都唔該注意一下儀容，整潔D，唔好油頭垢面咁吖。唔洗要你五星級酒店服務態度，我都知自己唔係去半島high tea, 但我不至於係去踎大排檔吖，假假地都係間餐廳，你俾D咁既服務態度我？？一句唔好意思都無，只係不斷講歪理死撐。好心你返去俾人再培訓啦，餐廳請著你真係喊三聲。 由於你實在太得意，而我又太得閒，我已經向Mira, 向你老細, 再向wiredcafe日本店投訴你。 你地在openrice搞book枱有discount係好事, 但都唔該計下數, 你地有幾多張枱可以在同一時段俾人book先得架, 一味谷人數, 又唔做好風險評估, 搞到好似我地今次咁, book左枱都要「塔枱」, 咁我做乜要book枱先? 一係你地就事先講明俾人知有可能要塔枱, 而唔係好似阿Nicole 姐咁黑社會態度, 扯高8度咁講「呢度個個都係book枱架啦, 唔夠枱就要塔枱架啦」搞到我以為自己食緊大排檔！垃圾！不知所謂！