天外天

爸爸生日，今次試吓食中菜，一嚟到坐低見到成個維港景覺得非常靚，服務員好熱心推介唔同菜式。*蜜汁叉燒*叫咗半份試一試，好彩冇嗌全份，肉質非常淋，一啲肉嘅口感都冇，調味唔會過甜，唔會好重蜜糖味，唔需要叫。*片皮鴨* (半隻）半隻片皮鴨份量唔多，大約有12至14片 ，係我見過最瘦嘅片皮鴨，一啲油份都冇，甚至有啲乾柴，服務員話呢一隻鴨嘅品種係比較少脂肪。幾鍾意佢嘅皮，帶點煙韌嘅口感。呢個係服務員推介嘅桂花梨伴黑醋豬柳，覺得非常好食，梨肉有淡淡的桂花香味，豬柳比起平時嘅咕嚕肉冇咁多漿汁，冇咁死甜，薄薄嘅粉漿恰到好處。黎呢到之前，見到好多人食黑蒜鮑魚雞煲，一開瓦煲係非常香，但味道比想像中普通，就係大排檔好有鑊氣嘅菜式，冇乜特別。最後仲送左壽包比我地食。