House FiftyEight

Open Now

Now Closed

觀塘近年都開左好多新餐廳，今次就去左【House Fifty Eight Restaurant & Bar】食晚飯。餐廳有露天位置，所以可以帶寵物。餐廳有一半係酒吧形式一半係西式餐廳裝修仲有包廂。今次就試左佢地既dinner set。餐湯：有兩款選擇，而我地都選擇左忌廉蘑菇湯。料超足、好傑，好香濃蘑菇味。餐包都好食，好新鮮軟熟。前菜/沙律—鷄胸凱撒沙律、煎吞拿魚沙律：鷄胸凱撒沙律：分量好多，羅馬生菜好新鮮、鷄胸又唔會好柴。煎吞拿魚沙律：個人覺得比較遜色少少，整體唔係好夠調味。Main—美國肉眼扒、寶雲酥羊架：美國肉眼扒：用rosemary同蒜頭煎，非常香，油脂少、肉都算軟霖。伴碟薯蓉好食、蔬菜鮮甜。寶雲酥羊架：好大一舊，外面寶雲酥好酥脆、羊肉好鮮嫩，係肥膏多左少少。是日甜品：Tiramisu，比較似係出面買，無咩特別飲品整體餐廳食物水準不錯，而且環境舒適。