寿々乃 (Moved) New Location

自己一直都係壽司愛好者，女朋友話佢冇乜食過好嘅omakase ，咁啱最近有朋友推介呢間壽司舖，就膽粗粗帶埋佢一齊上嚟試吓。其實我本身就唔係好鍾意你呢幢大廈食嘢，因為次次部𨋢都要等好耐。不過呢日都幾好彩，竟然冇人排隊，好快就上到黎。我朋友推介嘅時候話呢度嘅服務好好，師傅會好留意每一個客人嘅反應，再從當日新鮮嘅食材中選擇我最適合每一位客人嘅組合。佢果然冇講大話。師傅好熱情咁介紹每一道菜，交流非常充足。我同我女朋友都係最鍾意呢度嘅拖羅。入口即溶，油脂充足。鮟鱇魚肝亦都非常出色。另外有一啲比較特別少少嘅食材，例如黃金魚子。最令我開心嘅，係女朋友都非常滿意。以後同佢一齊搵餐廳食壽司，呢度絕對係其中一間可以再嚟嘅地方。