文華扒房及酒吧

Open Now

Now Closed

傳說中香港最好食嘅威靈頓牛柳，今日終於有機會試啦。食物好壞參半，裝修同服務非常令人失望，應該唔會再嚟。Appetizer首先送上吞拿魚蓉卷，稍為失望，冇乜咬口，亦都冇鮮味，口感同味道好似食緊魚肉腸。麵包係自家制brioche,充滿牛油香，非常好食。Appetizer試咗龍蝦湯同牛肉tartare，龍蝦湯非常鮮味，仲有龍蝦仔肉。tartare相對令人失望，調味過重，掩蓋左本身牛肉嘅鮮味。到萬眾期待嘅主菜啦，威靈頓牛柳真係好好食，酥皮充滿牛油香，牛柳軟嫩有牛味，而且配菜嘅薯蓉真係好好食。甜品亦都唔錯，我嘅朱古力撻甜到啱啱好，但係同行嘅caramel pudding質感好奇怪，唔建議食。最後我想講嘅係可能我訂位嘅時間好奇怪，星期六兩點先開始食午餐，到我哋想完主菜，全場只係剩返兩個staff，而且佢哋仲喺度忙緊set場，感覺非常之差，$3000食午餐，應該可以有更好選擇。