Video
Read full review
2019-02-24
1072 views
今晚係我同家人第3次去食，頭2次坐房個邊，每位侍應態度都非常好，食物都好好味。今日媽媽生日再去幫襯係坐大廳，首先食物比上2次明顯差左，最出名既叉燒，一食落口啲蜜汁就痴住曬我啲牙。炒面比上次食既多油左好多，而且偏濕，一啲都唔好食，唔值百幾蚊碟。個蠔煲啲蠔又好腥，咬左一啖就食唔落。訂台時已問有無限時，職員說沒有，6:30入席食野，到叫埋糖水，當時8:30左右，想影幾張相，但係我地影機途中，店員不停收走我地台既碟杯等等。感覺勁趕客。最後埋單$1800左右，短髮位職員俾左張單我地，講左句唔記得計茶位就走左，無拎走張單，返黎再俾另一張單我又咩都無講就走左，一睇張單計左7位茶錢。我地6大1細，細個位得2歲，問經過位短髮侍應，佢話無飲茶都要計（我真係第一次聽），再問返俾單我地短職員，佢態度好唔客氣甘問，甘而家你地幾位呀？一眼睇曬幾多人，要我逐個數俾你？ 之後再問短髮職員係咪2歲都要計？佢話唔使，又話我唔知甘多，係同事話7位。講完頭也不回再去重新開單，再俾單我地個時，又係掉低張單就走左。睇返張單，佢唔係減左1位，係加多6位，即是變了收13位茶錢！！1張單錯3次，到第4次先岩，態度重要甘唔客氣，一般酒樓
今日媽媽生日再去幫襯係坐大廳，首先食物比上2次明顯差左，最出名既叉燒，一食落口啲蜜汁就痴住曬我啲牙。炒面比上次食既多油左好多，而且偏濕，一啲都唔好食，唔值百幾蚊碟。個蠔煲啲蠔又好腥，咬左一啖就食唔落。
訂台時已問有無限時，職員說
沒有，6:30入席食野，到叫埋糖水，當時8:30左右，想影幾張相，但係我地影機途中，店員不停收走我地台既碟杯等等。感覺勁趕客。
最後埋單$1800左右，短髮位職員俾左張單我地，講左句唔記得計茶位就走左，無拎走張單，返黎再俾另一張單我又咩都無講就走左，一睇張單計左7位茶錢。
我地6大1細，細個位得2歲，問經過位短髮侍應，佢話無飲茶都要計（我真係第一次聽），再問返俾單我地短職員，佢態度好唔客氣甘問，甘而家你地幾位呀？一眼睇曬幾多人，要我逐個數俾你？ 之後再問短髮職員係咪2歲都要計？佢話唔使，又話我唔知甘多，係同事話7位。講完頭也不回再去重新開單，再俾單我地個時，又係掉低張單就走左。睇返張單，佢唔係減左1位，係加多6位，即是變了收13位茶錢！！
1張單錯3次，到第4次先岩，態度重要甘唔客氣，一般酒樓既態度都比佢地好（房那幾位侍應好很多），野食亦維持唔到水準，唔會再幫襯！！
Post