牛芳百世 (Closed)

見尖沙嘴開咗間食牛腩新店，裝修唔錯，自己又係牛痴，下午茶時間同女朋友去試下。負責收銀嘅老板叫我哋入去坐，行多2步有個呀嬸好無禮貌咁叫我哋：「你出去先」，咁我哋就話有其他人叫我哋入嚟喎，佢仲凶我哋：「邊個叫你入嚟？」審犯咩。咁其他侍應見唔對路都叫我哋坐低，當時又唔係多人，又唔係無枱，問唔係問題，但咁惡對客真係唔舒服，成件事好無謂。食物方面，叫咗個牛腩河，女朋友一個牛尾河，兩樣都好硬好黐牙，唔好食，20蚊都唔會再食，佢重要收60蚊。貼錢買難受。