Video
Read full review
2022-08-07
3141 views
同屋企人一齊食生日飯.爸爸比較傳統.鍾意食中餐.西餐同日本野都唔中意.所以就帶佢去酒樓食飯.平時屋企人都成日去觀塘海港飲茶.咁啱我見到海港薈有套餐都幾抵食.上網訂購仲有得減$100.所以今次就試下.不過最主要原因都係因為可以喺灣仔食.近我收工可以早啲食😉😉😉網上訂購左一個超值全包宴 (半圍六個人食)⚪️脆皮奶豬⚪️南非凍鮑魚⚪️醬爆海蝦⚪️榆耳百合炒上素⚪️雞湯花膠煲螺頭⚪️麻滑沙巴龍躉斑⚪️羊肚菌浸羽衣甘藍⚪️黑毛豬叉燒拼燒鵝皇⚪️廚師炒飯⚪️紅棗糕全部嘢食大致上都可以😌覺得最唔好食嘅應該係羊肚菌浸羽衣甘藍!始終羽衣甘藍係比較硬.浸味唔係個個接受.就算用好耐嘅湯去煮仍然都係好大浸草青味.建議呢個餐單換咗呢個菜咁會好好多.最好味我覺得係奶豬.凍鮑魚.黑毛豬叉燒👏🏻奶豬非常脆口而且少脂肪啱晒我.凍鮑魚非常入味.而且爽口彈牙肉質鮮嫩.個叉燒簡直係入口即溶.又香又惹味勁正👍🏻個炒飯好大碟.炒得都好乾身唔錯!整體方面:餐廳喺會展站行幾分鐘就到.好近灣仔碼頭嗰邊.地方都幾大幾舒服仲可以望到海景.但講真服務質素真係好差.出菜又慢.講咗起菜等咗半個鐘都仲係冇嘢食.追左3次之後仲要黎錯嘢食.我聽到隔離兩台都喺度投訴緊佢哋
爸爸比較傳統.鍾意食中餐.
西餐同日本野都唔中意.
所以就帶佢去酒樓食飯.
平時屋企人都成日去觀塘海港飲茶.
咁啱我見到海港薈有套餐都幾抵食.
上網訂購仲有得減$100.所以今次就試下.
不過最主要原因都係因為可以喺灣仔食.
近我收工可以早啲食😉😉😉
網上訂購左一個超值全包宴 (半圍六個人食)
⚪️脆皮奶豬
⚪️南非凍鮑魚
⚪️醬爆海蝦
⚪️榆耳百合炒上素
⚪️雞湯花膠煲螺頭
⚪️麻滑沙巴龍躉斑
⚪️羊肚菌浸羽衣甘藍
⚪️黑毛豬叉燒拼燒鵝皇
⚪️廚師炒飯
⚪️紅棗糕
全部嘢食大致上都可以😌
覺得最唔好食嘅應該係羊肚菌浸羽衣甘藍!
始終羽衣甘藍係比較硬.浸味唔係個個接受.
就算用好耐嘅湯去煮仍然都係好大浸草青味.
建議呢個餐單換咗呢個菜咁會好好多.
最好味我覺得係奶豬.凍鮑魚.黑毛豬叉燒👏🏻
奶豬非常脆口而且少脂肪啱晒我.
凍鮑魚非常入味.而且爽口彈牙肉質鮮嫩.
個叉燒簡直係入口即溶.又香又惹味勁正👍🏻
個炒飯好大碟.炒得都好乾身唔錯!
整體方面:餐廳喺會展站行幾分鐘就到.好近灣仔碼頭嗰邊.
地方都幾大幾舒服仲可以望到海景.
但講真服務質素真係好差.出菜又慢.
講咗起菜等咗半個鐘都仲係冇嘢食.
追左3次之後仲要黎錯嘢食.
我聽到隔離兩台都喺度投訴緊佢哋不停出錯.
到最後紅棗糕等咗20分鐘都未有.
跟住嚟到竟然係凍.
要求佢哋換其他或者重整.又要再等.
最後成45分鐘先食到.仲要係一般般🥲
而最嬲既係我上網一早預訂左呢個套餐俾晒錢.
所以最好係唔使俾錢咁離開.
但係我係有海港嘅會員.消費完會有張單儲積分.
但係職員竟然同我講因為我上網俾咗錢.
所以冇得儲分.但我明明係有消費.
我只係上網一早用信用卡比咗錢.唔係現場比.
到最後部長隔咗一日再覆我都係無.
我覺得非常之唔滿意.整體食物冇咩問題.
但係餐廳嘅人手.態度.出菜各樣都好有問題🤨
Post
