Video
Read full review
2021-02-16
1554 views
農曆新年去咗呢度食lunch，無論服務，食物，同埋景觀都係一流。先講服務，呢度嘅侍應都好親切友善，會事先介紹自己，再介紹食物，好少酒店餐廳會咁做，感覺非常貼心。先講嘢食，坐低佢哋就會送上sourdough，略嫌fermented得唔夠，所以無sourdough應有嘅酸味。不過佢嘅橄欖油真係好香橄欖味，有五種俾你揀，我哋揀咗最濃嘅一種，帶有basil and apple香味。Appetizer 有pumpkin purée with crab meat，欣賞佢用南瓜打成蓉，好重南瓜味，加上南瓜子，畫龍點睛。Appetizer 我哋揀咗burrata 同beef carpaccio。略嫌佢個burrata唔夠anchovies，比較淡。beef carpaccio 好新鮮，調味唔多，食得出佢嘅鮮味，配上artichokes更突出。Pasta dish我地分別揀左chitarra with mushrooms and cheese同烏魚子spaghetti。前者味道清新，後者雖然presentation唔係好靚，但味道就唔錯，好重海鮮味，鍾意食海鮮嘅人要試吓。主菜我哋分別嗌咗和牛同埋iber
先講服務，呢度嘅侍應都好親切友善，會事先介紹自己，再介紹食物，好少酒店餐廳會咁做，感覺非常貼心。
先講嘢食，坐低佢哋就會送上sourdough，略嫌fermented得唔夠，所以無sourdough應有嘅酸味。不過佢嘅橄欖油真係好香橄欖味，有五種俾你揀，我哋揀咗最濃嘅一種，帶有basil and apple香味。
Appetizer 有pumpkin purée with crab meat，欣賞佢用南瓜打成蓉，好重南瓜味，加上南瓜子，畫龍點睛。
Appetizer 我哋揀咗burrata 同beef carpaccio。略嫌佢個burrata唔夠anchovies，比較淡。beef carpaccio 好新鮮，調味唔多，食得出佢嘅鮮味，配上artichokes更突出。
Pasta dish我地分別揀左chitarra with mushrooms and cheese同烏魚子spaghetti。前者味道清新，後者雖然presentation唔係好靚，但味道就唔錯，好重海鮮味，鍾意食海鮮嘅人要試吓。
主菜我哋分別嗌咗和牛同埋iberico pork presa。和牛有啲失望，脂肪比例唔係好高，所以未至於入口即溶，不過牛味都好香。
iberico presa真係要讚！食到橡果香味，唯一失望係佢冇問我想煮都幾成熟，因為正宗伊比利亞豬其實建議食medium rare，不過全熟都已經好好食。
其實萬萬估唔到，原來好戲在後頭，呢度嘅甜品真係驚為天人咁好食。我哋原本嗌咗呢度嘅推介tiramisu ，但係見到佢推住架cheese餐車經過，真係忍唔住要轉番做cheese platter ，可以喺咁多種芝士裏面揀四至五種，佢哋會細心介紹每種芝士嘅來源地同分別。而另一甜品cannoli 亦都真心推介，配上開心果碎，清新又有果仁香，而配角chocolate sorbet 亦都香濃幼滑。
最後最後，我哋叫咗佢哋嘅20 years old port，淨係睇個presentation都知道好飲！
Post
