原汁原味

Open Now

Now Closed

很耐之前外賣過下午茶一次， 印象中還可以，上星期日晚其他餐廳到處客滿要等位,這家有位，就入去試下。一食就大失所望。所谓精美小菜$60一碟，分量勁少，細細幾舊的班塊仲要係麵粉多過魚肉。雞肉好鞋又乾，完全沒有鲜雞味。絕對係一般茶餐廳中下水準， 大家樂都好得多。 唯一味道還好係蒸肉餅，但感覺味精很重手，又多油又鹹，食完勁口渴。。。食物麻麻都忍佢啦，但服務態度真係衰到離譜。 我個仔唔小心倒瀉水，已經連聲道歉，但個女企檯一聲不答，好晦气求其亂抹吓檯，黑口黑面。見到兩個女企檯都勁惡好串，由落單到埋單全程黑口黑面。 入來食飯，不敢奢望你笑面迎人，至少都唔應該要無端睇你面色，食到一肚氣。 宜家先睇到Open Rice都早有其他人指出食物難食和服務差，所以話揀餐廳前上網睇下係好有必要。好評自己決定有幾可信，但差評就真係要看清楚，好重要。