Video
Read full review
2011-02-22
8 views
11月21日, 銅鑼灣嘅越南野都差唔多俾我同呀比試晒咁滯~ 就爭d新開嘅未試過… 今日就去皇室堡試下呢間都算新開嘅過江龍pho24! 是日風和日麗, 餐廳內卻只得兩三檯人, 一排大玻璃窗向住廣闊嘅維園球場, 透進嘅陽光令餐廳變得好光猛!::: 香茅豬扒鮮蝦沙律撈檬 ::: $59撈檬類別有好多都係預設好嘅雙拼系列, 一直想食鮮蝦撈檬嘅呀菲結果又唔執輸地叫咗個鮮蝦拼香茅豬扒黎試下~ 賣相靚, 份量亦多. 雖然係雙拼, 但每樣料份量都唔少! 豬扒厚肉兼大大塊, 肉質呈嫩粉紅色, 口感結實而不失鮮嫩~ 豬味新鮮~ 幾好! 鮮蝦味道較清淡, 但都幾彈牙~ d檬粉亦唔會黐到一舊舊, 配埋d炸蒜芽菜青瓜蘿蔔絲一齊食夠晒清新開胃!::: 生牛肉牛筋河 ::: $46牛湯味道偏清淡, 沒有濃烈嘅牛味~ 生牛肉好薄身嘅質地, 浸咗一陣湯就已經熟透, 牛味有, 但係偏瘦, 有少少韌… 牛筋完全冇味道可言, 後悔叫咗牛筋~ 整體價錢有d貴, 唔係太值, 有中上級越南菜格局但係欠了一點風味….其實呢度d食物唔錯, 但絕對唔算話特別突出… 價錢偏貴, 相信有唔少都係用嚟支付呢個黃金舖位租金同雅致裝修… 奇怪嘅係
::: 香茅豬扒鮮蝦沙律撈檬 ::: $59
撈檬類別有好多都係預設好嘅雙拼系列, 一直想食鮮蝦撈檬嘅呀菲結果又唔執輸地叫咗個鮮蝦拼香茅豬扒黎試下~ 賣相靚, 份量亦多. 雖然係雙拼, 但每樣料份量都唔少! 豬扒厚肉兼大大塊, 肉質呈嫩粉紅色, 口感結實而不失鮮嫩~ 豬味新鮮~ 幾好! 鮮蝦味道較清淡, 但都幾彈牙~ d檬粉亦唔會黐到一舊舊, 配埋d炸蒜芽菜青瓜蘿蔔絲一齊食夠晒清新開胃!
::: 生牛肉牛筋河 ::: $46牛湯味道偏清淡, 沒有濃烈嘅牛味~ 生牛肉好薄身嘅質地, 浸咗一陣湯就已經熟透, 牛味有, 但係偏瘦, 有少少韌… 牛筋完全冇味道可言, 後悔叫咗牛筋~ 整體價錢有d貴, 唔係太值, 有中上級越南菜格局但係欠了一點風味….
其實呢度d食物唔錯, 但絕對唔算話特別突出… 價錢偏貴, 相信有唔少都係用嚟支付呢個黃金舖位租金同雅致裝修… 奇怪嘅係門口走廊位又有間cake shop, 雖然可能係同一個集團但都會容易混淆食客視聽… anyway, 野食係ok, 但同區味道相約而價錢平d嘅越南菜大把… 有無下次就真係要睇緣份喇.
Post
