六公館

Open Now

Now Closed

見到家燕媽媽娶新抱都黎呢度搞party，有個無敵大海景，所以呢一個就黎潮聖一下。餐廳位於海運大廈最入最入的位置，仲要搭返電梯落去，即使做了功課我都最初行錯路落左去碼頭出境果度。一入餐廳，環境係超級靚嘅，光猛闊落，裝修新穎，連餐具都帶點講究。雖然是吃中菜但成個感覺都帶點西化，應該請客、招待外國人一個唔錯嘅選擇。我地叫了兩個打卡之選的點心，黑金蝦餃同黑金流沙包。可惜，真係非常普通。蝦餃皮可以講話厚。流沙包嘅流沙程度都係普通。反而另一個我冇影相嘅雞肉菜苗餃就唔錯，出面未見過呢個配搭，雞肉醃得濃味。另外叫了一個魚湯泡飯（全名唔記得），相比起出面宣傳版果張魚湯泡飯嘅相差好遠，魚肉全部好碎，飯係非常地少...一個人都未必夠食...仲有叫了一個揚州炒米型意粉，呢個就似樣𠵉。其實味道完全係揚州炒飯，但用米意粉，口感有少少唔同，好咬口。總括而言，我覺得我今次選嘅食物真係好普通，只係食環境。