六公館

Open Now

Now Closed

一直都好想去六公館食晚飯，因為去過嘅都有讚冇彈，但係點解......我哋大約6:30到六公館，安排係室內坐，周圍嘅環境嘈到爆炸，後來我哋發現可以坐戶外，我哋要求坐出去，出到去真係別有洞天，好似在維多利亞港食飯咁，望住咁靚嘅香港夜景食飯真係爽！我哋叫咗個唔知咩炸豆腐，好普通、然後叫咗一碟鴛鴦蝦球，隻蝦好大舊，一邊係鹹蛋黃味另一邊應該係芥末沙律醬味，算好食、叫咗一碟龍井熏太爺雞，啲雞好滑，分量唔多，算幾好味，不過要成$338未計加一，貴咗啲、叫咗一鍋班片肉鬆脆米魚湯泡飯，我原本諗住會幾鮮味，可惜佢𥚃面加咗冬菜，掩蓋晒所有味，雖然都好食，但係就食唔到魚既鮮味，只食到冬菜既惹味、最後叫咗個西班牙紅蝦燴讚岐烏冬（一人份量）真心頂佢個肺，成$408，紅蝦一隻我覺得OK啊話晒都係一人份量，但係烏冬點...我兩啖就K.O.佢，而且味道偏淡，真心覺得一次就夠。