翠林辣蟹舫

疫情下好多餐廳十點關門，ot完都九點，想搵間坐得舒服嘅餐廳食宵夜，朋友介紹而間食蟹，可以慢慢嘆到十一點半，去到都坐滿哂，最好係一枱可以坐六個人。避風塘炒辣蟹用上大量炸蒜甘口焦香，香辣又惹味，讓人吃完蟹之後啜指回味，蟹拑手掌咁大，肉質結實鮮甜，朋友都非常喜歡這味道，蟹肉鹹中帶香辣。黃金流沙蝦球餐廳主打招牌菜之一，未見過用咁大隻蝦，火喉控制得宜，蝦肉保持鮮嫩，鮮甜爽口，炸得好香脆，沾滿咸香的蛋黃粒，幾有驚喜。山渣汁脆鱔炸得香脆可口，都不失鱔味，醬汁濃稠沾滿魚肉，山渣汁酸甜好開胃，同時減去油膩的感覺，食到停唔到口。荔枝醬燒骨腩排輕輕煎炸過，肉質鬆厚，淡淡荔枝味，有天然果香，薄薄一層醬汁，令骨色澤光潤，咬落有肉汁，賣相好吸引。