翠林辣蟹舫

辣炒蟹太考功夫，又要準備好多配料，有得揀梗係出街食啦，又有人扑埋俾你🤣環境平日晚上都旺場，門口貼哂名人幫襯嘅合照，可想餐廳人氣。餐牌無套餐，以單點形式。 黃金流沙蝦球 $48/隻 超大塊😳外型成塊炸豬排咁，再灑上麵包糠挫住，熱辣辣上枱，炸粉層適中，蝦肉彈牙，連埋額外灑上嘅麵包糠，超級香口！ 黃金豆腐 $68另一碟都叫咗炸嘢，簡單好食嘅黃金豆腐，看似簡單但做工都複雜嘅豆腐，要唔整爛，每粒大小相若，外層炸皮唔可以做得厚，所以都考功夫，呢到做得唔錯，外脆內軟，沾埋酸辣汁更惹味。 豬油渣時菜 $148 是日時菜係椰菜花，現今唔多餐廳會用豬油渣，因為始終覺得食菜就係想健康，用豬油渣好似相違咁😂 但不能否認用豬油其實好香，增添不少香氣，如果本身會食豬油渣嘅就可以食埋。 避風塘香辣蟹 $688重中之重辣炒蟹😍其實有好幾款炒蟹，我哋就叫返最basic 嘅避風塘香辣蟹，全用炸蒜無麵包糠，淨係個架都夠哂打卡，蟹肉鮮嫩、因蟹殼都沾上辣椒及炸蒜，每一啖食炒蟹都會食到辣味，但又唔會搶咗主角風頭！ 食神炒飯 $188鯉魚造型嘅食神炒飯估唔到係咁咁咁大碟😳2個大食之人都要「萬」車邊先食得哂。。。配料豐富，有豆角、