Video
Read full review
2019-03-19
54 views
最近，香港開咗樂多間有omakase嘅日本餐廳，講到環境大坐得舒適，價錢又抵莫過於呢間！絕對唔駛去日本都得🤣活海鰻魚會席前菜沙津配芝麻醬簡簡單單嘅沙律菜配芝麻醬，但勝在原材料好新鮮，開胃一流！刺身 油甘魚 帶子 甜蝦刺身除咗選料之外，就係選料！三款刺身選料都好好，一啲雪味都無，就算唔加WASABI同豉油都好好食，一個字鮮！活海鰻天婦羅既然係活海鰻會席，梗係有活海鰻嘅料理。先嚟係天婦羅，外皮炸得岩岩好，脆口又唔會太乾身，同時保持入面嘅活海鰻嫩滑。活海鰻蒸年糕比較特別嘅一種食法。煙韌日式年糕皮包住活海鰻魚肉，一口咬落去有啲似魚肉+湯圓，但同時又保留咗活海鰻嘅味道~活海鰻玉子蛋糕鱻88嘅名物，用活海鰻魚肉加入玉子蛋糕，賣相十足出面嘅雞蛋蛋糕，但食落去就好濃嘅活海鰻魚肉味道，好得意。活海鰻籠仔蒸飯守尾門係蒸飯！上菜都係用籠仔，所以未打開都聞到好香嘅竹味，開蓋之後一陣竹香+鰻魚肉香+雞蛋香(佢係用蛋絲炒飯底~)就湧出嚟，見到都流晒口水啦！食落其實感覺有啲似食緊中式蒸飯，而蒸活海鰻亦KEEP到本身油份同嫩滑嘅肉質，成件事都好夾！OMAKASE前菜 鰻魚苗、美人蠔、
活海鰻魚會席
前菜沙津配芝麻醬
簡簡單單嘅沙律菜配芝麻醬，但勝在原材料好新鮮，開胃一流！
刺身 油甘魚 帶子 甜蝦
刺身除咗選料之外，就係選料！三款刺身選料都好好，一啲雪味都無，就算唔加WASABI同豉油都好好食，一個字鮮！
活海鰻天婦羅
既然係活海鰻會席，梗係有活海鰻嘅料理。先嚟係天婦羅，外皮炸得岩岩好，脆口又唔會太乾身，同時保持入面嘅活海鰻嫩滑。
活海鰻蒸年糕
比較特別嘅一種食法。煙韌日式年糕皮包住活海鰻魚肉，一口咬落去有啲似魚肉+湯圓，但同時又保留咗活海鰻嘅味道~
活海鰻玉子蛋糕
鱻88嘅名物，用活海鰻魚肉加入玉子蛋糕，賣相十足出面嘅雞蛋蛋糕，但食落去就好濃嘅活海鰻魚肉味道，好得意。
活海鰻籠仔蒸飯
守尾門係蒸飯！上菜都係用籠仔，所以未打開都聞到好香嘅竹味，開蓋之後一陣竹香+鰻魚肉香+雞蛋香(佢係用蛋絲炒飯底~)就湧出嚟，見到都流晒口水啦！食落其實感覺有啲似食緊中式蒸飯，而蒸活海鰻亦KEEP到本身油份同嫩滑嘅肉質，成件事都好夾！
OMAKASE
前菜 鰻魚苗、美人蠔、三文魚嘴骨師傅發辦，除咗食選材，自然梗係食師傅嘅手工同心思啦！ 前菜係3種比較少見嘅食物，鰻魚苗似食緊生嘅銀魚仔，三文魚嘴骨比預計中梗爽口同魚味濃，而美人蠔自然就係鮮味十足，同埋酒店級生蠔有得揮呀！
燒物 鰻魚臉頰肉
有啲似醬油漬嘅燒物~食落口感好似燜牛腩+東坡肉，但又唔肥~然後就好香濃嘅魚味衝出嚟，好得意！
刺身 活赤貝、鰤魚兩食
活赤貝其實都算係一樣幾難處理嘅食材，因為師傅好難控制赤貝嘅軟硬度，太軟身又會好「淋」好腥，好似唔新鮮咁；太硬又會影響成件事嘅印象，以為未完全解凍。而呢度嘅活赤貝就岩岩好，唔算硬但好爽口，而且一啲多餘嘅腥味都無！鰤魚兩食就體現咗師傅嘅心思─上菜嘅時候特別講解先食刺身後食火灸。刺身鮮味十足，完全品嚐到鰤魚自己嘅鮮味，而火灸就將佢嘅油份逼出嚟，對刺身有好大對比，別有一番風味。
羽太配酸汁
五片羽太魚，以刺身方式處理，同時捲住可食用嘅藻類，加埋師傅特製嘅酸汁，清新得嚟又唔會嗆喉！
壽司 耙魚
師傅將魚肉切碎，食落有別於一般魚壽司，而且減低咗果腹嘅感覺。耙魚本身都有一陣特別嘅鮮味，呢種處理手法正正亦可以吊起鮮味！
帆立貝配竹炭鹽
雖然一直都比較鍾意食燒嘅帆立貝，但不得不說呢件生嘅帆立貝壽司都好正！加上竹炭鹽點綴咗成件事，不單止唔咸，反正帶出貝類嘅甜味，讚！
蜜柑鯛
相當有驚喜嘅一件壽司。師傅介紹嘅時候話佢嘅皮下脂肪有蜜柑味，起初我都係半信半疑，或者得好淡嘅味道。點知愈食愈濃，有一刻以為自己食緊蜜柑味嘅糖！加上本身呢種甜味係好溫和，完全無遮蓋鯛魚嘅味道，好正！
池魚配柚子鹽
非常清新嘅一個配搭，本身池魚清爽脆口，加上柚子鹽更有異曲同工之妙，同上一道嘅蜜柑鯛有好大對比。
海膽壽司一個字，回味無窮~難以用文字去形容，濃郁順滑，一入口啲海膽味就爆晒出嚟！
中拖羅配岩鹽
超級肥美，果然不負中拖羅之名。而且師傅特別做咗處理，減低咗腥味，令拖羅油脂嘅香更加突出。
金目鯛
無論生定熟，都好鍾意食金目鯛。今次師傅輕輕燒左幾下，岩岩好逼到金目鯛嘅油份出黎，令成件事又香口又充滿濃厚鯛魚味。
卷物 拖羅手卷
脆卜卜嘅紫菜包住拖羅，配上特製調味，同樣又係以突出拖羅魚味嘅一道好選擇！
湯品 鯛魚濃湯
相當濃郁嘅湯品，好似成條魚嘅蛋白質同精華都濃縮晒落去呢碗入面！好在師傅安排咗食晒壽司先上，如果唔係就會搶晒壽司魚片嘅味道啦！
揚物 白子天婦羅
一開始我仲以為師傅講「白紙」，師傅解釋話係鱈魚嘅精囊先明白原來係「白子」~第一次食白子天婦羅，同平時食蒸魚嘅魚春幾似，但又小小唔同。白子同樣有啲粉粉地嘅口感，但係又唔會一咬落去就散晒，仲保持得好完整，加上天婦羅嘅粉醬真係整得好好，令成件事變得好夾！
甘味 玄米茶雪糕 配 黑糖紅豆茨餅
最後係甜品！玄米茶雪糕真係第一次食，唔濃唔「俗」但仍然好香玄米茶味，茨餅幾煙韌，配埋黑糖醬好易入口，係成個OMAKASE一個好好嘅結尾~
🍽9.5/10
🔎 鱻88日本料理 (佐敦)
佐敦佐敦道39-39A號根德大廈地下及1樓
Post
