Read full review
2021-06-21
1377 views
我估客人係唔會盲目支持嘅,呢度長期爆滿就知道大廚嘅真功夫,試過幾次無Book位想Walk-in都係唔成功嘅,所以衣家學精咗黎親都會預先訂位。今次叫咗3樣野,分別係蒜蓉粉絲蒸扇貝、鐵板啫啫生腸同埋鐵板啫啫魚春加魚標。先講蒜蓉粉絲蒸扇貝,師傅蒸得個火喉啱啱好,剛剛熟,於是入面仲係好Juicy,真係好鮮味,我夠膽講好多名店大酒樓都做唔到呢個水準。至於粉絲唔洗我講都知佢地吸收晒扇貝嘅精華,所以千其唔可以放過啦。鐵板啫啫魚春加魚標煮得好惹味,雖然魚春加魚標真係有D邪惡,不過值得為呢碟餸放肆一下,餸啤酒一流。魚春同魚標一D都唔鯹,好食。鐵板啫啫生腸係老闆娘介紹嘅,佢話係用新鮮豬生腸做,所以食落特別鮮味,於是咪試下,真係好食,直頭要將膽固醇暫時忘記先。啤酒就飲呢隻德國麥啤,麥味好香,又易入口,炎炎夏日真係Fit晒,一邊飲一邊食鐵板啫啫生腸同鐵板啫啫魚春加魚標堅正,結果我地3個人一共飲了12支。
鐵板啫啫魚春加魚標煮得好惹味,雖然魚春加魚標真係有D邪惡,不過值得為呢碟餸放肆一下,餸啤酒一流。魚春同魚標一D都唔鯹,好食。
鐵板啫啫生腸係老闆娘介紹嘅,佢話係用新鮮豬生腸做,所以食落特別鮮味,於是咪試下,真係好食,直頭要將膽固醇暫時忘記先。
啤酒就飲呢隻德國麥啤,麥味好香,又易入口,炎炎夏日真係Fit晒,一邊飲一邊食鐵板啫啫生腸同鐵板啫啫魚春加魚標堅正,結果我地3個人一共飲了12支。
Post