凪豚骨拉麵 (Moved) New Location

今日去咗大坑搵野食，諗起有間拉麵之前食過幾好味，八點幾到，要等位，不過好彩唔算多人，而且拉麵通常都好快，等咗十分鐘有得食。我叫咗限定嘅咖哩拉麵，佢可以自己揀幾辣，我揀咗3辣，拉麵送到離，想滴汗，好紅好似好辣，店員仲叫我地先試一口湯先，然後先撈勻d麵一齊食, 第一口湯又真係幾辣, 不過都可以接受, 味道好濃, 但超好味, 义燒一碗有兩塊，好大塊，有小小肥肥地，不過都是ok，無禁乾，加埋木耳絲同椰菜絲，餸好多，好豐富，不過我最鍾意依度嘅拉麵同出面d拉麵唔同，佢比較幼身, 拉麵吸晒d辣湯真係好好味, 不過就越食越辣，而且辣味已蓋過晒限定嘅咖哩味，如果我下次再食，都係楝2號辣穩陣d。