食餐好本店

Open Now

Now Closed

老友約食飯，話介紹間好嘢俾我，有海鮮又有刺身，地點居然喺火炭，究竟係真唔係呀？呢間位於工業區內嘅「食餐好本店 Eat Well Honten」離火車站唔算遠，約十多分鐘路程。一入到去就見到一排一排嘅魚缸，十分壯觀，放滿各式各樣海鮮，驟眼睇已經有麵包蟹、南澳龍蝦、青口、南非鮑魚、日本松葉蟹、加拿大象拔蚌、百鳥貝、北寄貝、南非生蠔、澳洲大黑鮑魚、法螺、栗子蟹及啱啱劏起嘅魚件，種類五花八門，睇到眼花撩亂。呢隻估計有三斤幾重嘅澳洲龍蝦同超級大隻嘅松葉蟹好吸睛喎。刺身都有好多款選擇，例如：三文魚、三文魚籽、吞拿魚、象拔蚌、八爪魚、牡丹蝦、北海道海膽、富山螢光魷魚、帶子…等等，由於食材由日本新鮮空運到港，最好預早訂購，咁就包保食到最新鮮嘅第一手刺身啦。鍾意打邊爐嘅，呢度都有多款不同丸類可供選擇：好似墨魚丸、龍蝦丸、牛肉丸，七彩海鮮丸咁。對於水嘅質素同衛生，老闆娘都好有要求，全部海鮮都會用還原水機清洗乾淨至俾客人享用，包保食得開心又放心。當日不時見有附近街坊光顧，出手仲一啲都唔弱，好似呢盆超無敵嘅南非生蠔同刺身拼盤，單睇件頭已經勁吸引；原來佢哋上次食過覺得正，所以今次特別約多幾個friend喺店外嘅