船渦

Open Now

Now Closed

又搵到新嘢，今次到試個平價蒸氣海鮮餐，照舊先睇menu睇完menu，唔駛諗先來個水師提督套餐丫，唔該落單原來呢度係一人一爐，可以隨心所欲，識隨專便，想食乜就自己話事自己蒸自己計時水師提督好快出場，四選一揀咗蟶子皇，咁真係幾長，不過。。。瘦削咗少少，個鮮魚片薄到差不多望到對面朋友仲有少少腥，其餘蜆肉蝦都正常，三選一揀肥牛正常、什菜正常。（咦，點解冇帶子，依家寫食評先發現，冇得追究）海鮮洗得乾淨，夾雜住海鮮味D蒸氣水滴晒落下面個煲，咁差不多食完就會有專人幫你煮粥，有南瓜有芋頭再加白飯，搞下搞下，一鍋好綿南瓜芋頭粥就完成，都幾鮮甜加埋南瓜甜味，一羹一羹食食下就差不多成烹KO咗，絶唔駛加任何調味（需要重口味朋友例外）。$118免加一，埋單時一人一單自己搵收銀找數，咁又慳番計數搵散銀轉錢時間，方便晒煩忙的香港人。