Video
Read full review
2020-10-02
620 views
縱然門外橫風橫雨，但位於中環橫巷嘅呢間小店都會努力發出微光，用佢哋嘅力量去溫暖店內咁多位食客！有太多嘢要分享喇！嘢食、服務、裝修、環境、氣氛etc~~~~~講咗食物先！打邊爐湯底超重要！我哋叫咗椰子烏雞杞子粟米～好明顯我係唔知湯底叫咩名⋯⋯有料讀料🤣椰子烏雞杞子粟米 - 咩都唔好講，飲咗啖湯先！超足料！係好香椰子味，飲落唔油唔鹹，唔似出面啲湯底咁望落好油，或者飲完會好口喝。係會忍唔住飲完啖又一啖，唔停口，可唔可以諗諗出包裝袋湯咁賣？最神奇係打完成個邊爐，有牛有丸有海鮮有菜，即係好似平時邊爐咁食啦，清完所有嘢之後⋯⋯個湯底都係清！！唔洗好似出面邊爐咁，食完一輪或者落完牛，要篩一篩湯面啲油花！有對比就有傷害，古人誠不我欺！飲到要老闆不斷加湯⋯⋯唔關我事㗎老世！係你哋湯底有誠意炸！仲有一點！唔好以為隻烏雞係裝飾淨吊味！我哋大大話話都食咗3個幾鐘，最後先食隻雞，救命！一啲都唔榎歰歰(鞋拾拾)，唔乾都唔硬～雞皮是重點！係滑捋捋㗎！多出嚟嘅果兩吋腰一定唔止個湯底做成！罪魁禍首仲有邊爐二人餐、其他配料同海鮮！二人火煱套餐 - 任選湯底一款、精選雙拼牛肉、厚切午餐肉、珍寶蟹柳、海魚魚蛋、鳳城雲吞、蔬菜
有太多嘢要分享喇！嘢食、服務、裝修、環境、氣氛etc~~~~~
講咗食物先！打邊爐湯底超重要！我哋叫咗椰子烏雞杞子粟米～好明顯我係唔知湯底叫咩名⋯⋯有料讀料🤣
椰子烏雞杞子粟米 - 咩都唔好講，飲咗啖湯先！超足料！係好香椰子味，飲落唔油唔鹹，唔似出面啲湯底咁望落好油，或者飲完會好口喝。係會忍唔住飲完啖又一啖，唔停口，可唔可以諗諗出包裝袋湯咁賣？最神奇係打完成個邊爐，有牛有丸有海鮮有菜，即係好似平時邊爐咁食啦，清完所有嘢之後⋯⋯個湯底都係清！！唔洗好似出面邊爐咁，食完一輪或者落完牛，要篩一篩湯面啲油花！有對比就有傷害，古人誠不我欺！飲到要老闆不斷加湯⋯⋯唔關我事㗎老世！係你哋湯底有誠意炸！仲有一點！唔好以為隻烏雞係裝飾淨吊味！我哋大大話話都食咗3個幾鐘，最後先食隻雞，救命！一啲都唔榎歰歰(鞋拾拾)，唔乾都唔硬～雞皮是重點！係滑捋捋㗎！
椰子烏雞杞子粟米湯底
38 views
0 likes
0 comments
多出嚟嘅果兩吋腰一定唔止個湯底做成！罪魁禍首仲有邊爐二人餐、其他配料同海鮮！
二人火煱套餐 - 任選湯底一款、精選雙拼牛肉、厚切午餐肉、珍寶蟹柳、海魚魚蛋、鳳城雲吞、蔬菜拼盤、烏冬/出前一丁、特飲兩杯、醬料兩位。就咁睇以為好普通？？NONO，食落你就知錯晒！湯底已經講咗～咁講牛肉先啦～！
精選雙拼牛肉 - PETER 我對你唔住⋯⋯你有介紹過㗎，但我都係唔記得咗我哋叫咗咩部位嘅牛⋯⋯我淨係知佢哋肥瘦適中，唔會超肥到成口油，都唔會瘦到食完黐晒牙，係嫩嫩的！！！好食到打開新世界之門！下次打邊爐要識得揀返呢個部位食！！要認真咁介紹牛～就緊係唔到我嚟講啦！老世PETER會親自帶住牛牛們同食客介紹返咩部位有咩特式～想肥啲？瘦啲？多筋啲？特別啲？想要咩就同老世講啦！實滿足到你呀！
精選雙拼牛
34 views
0 likes
0 comments
厚切午餐肉、珍寶蟹柳、海魚魚蛋、鳳城雲吞 - 唔好以為佢哋係普通午餐肉、蟹柳、魚蛋同雲吞加形容詞就普通先得！碟午餐肉厚到我一開始以為係咩糕點咁擺靚靚，甜品咁早放上枱？果對蟹柳有對筷子咁長，但仲粗過你隻手指公！彈彈的！唔係普通街邊可以食到！至於魚蛋真係要講多兩句！珍姐仲有間餐室喺上環果邊，呢個魚蛋陳皮味超豐富！絕對係一試難忘，除咗喺珍姐食過之外，暫時未喺其他地方食到，麻煩偉大嘅OPENRICE話我知仲有邊到有得食呀～
厚切午餐肉、珍寶蟹柳、海魚魚蛋、鳳城雲吞
39 views
0 likes
0 comments
除咗二人套餐嘅食物，我哋仲叫咗炸魚皮、手打黃金墨魚九。痴咗線，會唔會太好味！
炸魚皮 - 薄！脆！鮮炸即食！冇得輸！不能形容更多！
炸魚皮
19 views
0 likes
0 comments
手打黃金墨魚丸 - 之前見老闆娘喺FB IG透露咗佢哋研究緊手打丸，成功咗幾款～我哋今次試咗呢個鹹蛋流心墨魚丸！驚喜！鹹蛋加入食材嘅製品你一定食過，但墨魚丸中間係鹹蛋流心你又試過未？佢唔會咬落去得鹹蛋鹹味，而係好香，仲有彈彈嘅墨魚喺你個口到跳舞！加分！加分！
手打黃金墨魚丸
18 views
0 likes
0 comments
講咗咁耐⋯⋯終於都到我心心念念嘅海鮮喇！成日都喺FB IG 見老闆們放勁大隻又生猛嘅海鮮嚟引我！（水吧位設有海鮮區，食客可以過去揀時日精選海鮮～揀完會由專人 - 阿CHRIS幫你處理！）
精選海鮮
39 views
0 likes
0 comments
今次終於都食到喇！手臂咁壯嘅瀨尿蝦！iphone咁大嘅花竹蝦！大大粒又漲卜卜嘅大沙白！手掌咁長嘅蟶子！新鮮、生猛、爽口、彈牙、冇沙，呢啲基本啦～喺呢到食到嘅蝦同貝貝鮮味到食唔停口！對自己好啲，過嚟食海鮮慰勞自己！真係好滿足㗎！！
精選海鮮 - 瀨尿蝦
41 views
1 likes
0 comments
精選海鮮 - 花竹蝦
29 views
1 likes
0 comments
精選海鮮 - 大沙白
21 views
0 likes
0 comments
精選海鮮 - 蟶子
24 views
1 likes
0 comments
麵 - 食出前一丁一定要落味粉加麻油？珍姐打破你嘅固有印象呀！咩都唔洗落！得個湯底都夠你食過返尋味！吸咗日月精華嘅出前一丁已經唔係普通嘅麵，佢已經昇華咗做一碗令人呢餐食飽咗，到宵夜想再食多碗先瞓嘅麵！係，我認，講到尾我都係忘記唔到個湯底！
以為咁就完？少年，你太天真喇！用料靚嘅點止食物，飲品都好足料！
疏肝菊花蜜、自製羅漢果 - 打邊爐就緊係熱氣㗎啦！呢兩杯清熱降火嘅特飲簡直係above average！
一餐好嘅晚飯，除咗食落肚嘅，仲要食埋個氣氛呀！
店內大播經典老歌，有好多都係聽到副歌先恍然大悟～呀～原來呢首我都聽過㗎！係唔知咩電視劇主題曲呀！一路食，可以同朋友一齊估歌仔，播到耳熟能詳嘅經典，我哋都忍唔住跟住唱，跟住跳！再夜少少，仲有點歌環節～你想聽咩歌？搵老闆娘啦！眾樂樂就係咁簡單！
唔好以為係我講得誇張就係假，你試過就知我冇介紹錯！我都嫌自己講得普通咗，珍姐出品～誠意之作！
一試冇妨呀～試完包你返尋味！
醬料
26 views
0 likes
0 comments
精選海鮮 - 瀨尿蝦
21 views
0 likes
0 comments
精選海鮮
27 views
0 likes
0 comments
甜品 - 桂花蒟蒻
20 views
0 likes
0 comments
Other Info. :
長駐水吧嘅阿CHRIS喺膳後問我哋有冇咩改善或者COMMENT？
有！最大嘅問題就係你哋服務太好喇！6熟完手臂咁壯嘅瀨尿蝦，會過嚟幫我哋斬件上，等我哋唔洗分心剝殼，可以專心食嘢⋯⋯我兩吋肥肉嘅幫兇 阿CHRIS你唔洗否認喇！再幫我哋斬埋湯底隻烏雞，仲溫提我哋食之前要6一6先 驚仲有血水～10000服務分，俾多一分都驚你會驕傲～
而老世PETER會帶佢嘅牛牛們，詳細咁同每枱食客介紹返咩部位有咩特式，務求食客們都食到自己偏好嘅肉。我有認真聽書㗎，但盤牛牛嘅光芒大到掩蓋咗老世你嘅解說⋯⋯i'm sorry~當日冇緣見到PETER表現刀功⋯⋯扣分！下次要識做喇🤣
到靚靚老闆娘喇！可以靠樣搵食行偶像派嘅佢，偏偏樣樣都親力親為！見佢喺夜場嘅時候，會揼肩搓腰⋯⋯但相信見到全場食客都食得咁滿足，玩得咁開心，所有嘅辛苦都係值得㗎！！！
唔好以為門面得佢3個就會有甩漏。佢哋每一個都可以一個頂十個，你哋嚟親身感受，就可以完全FEEL到佢哋嘅誠意！
加油呀珍姐！你哋對自我嘅要求同付出，將會成就日後嘅高度！好期待下次再去懲罰你哋呀！！！
加油！💪🏻💪🏻💪🏻☺️
(The above review is the personal opinion of a user which does not represent OpenRice's point of view.)
Post
