老馮茶居 (荃灣千色匯II)

家人食過兩次外賣，讚！於是假期早上探一探茶居，點知早上10點未夠，已出現排隊人群。等了半小時，終於可以入去。在等候的時候，已經可以點定餐先，個膠點餐紙非常環保，讚 ！入到去，餐具痛熱水已經預備好，見到特色餐具，未食已經心情大好，其實餐具已經很乾淨，可能因為需要特色，所以店員預備了洗碗盤，我們還是幫精緻的餐具洗了一轉。店內裝修懷舊，卻有新潮味道，不過座位略嫌太窄。我哋點咗鳳爪，金錢肚，流沙包，炸雲吞，腸粉。鳳爪的味道恰到好處，懷舊味，金錢肚好入味，流沙包凍咗仲係好好食，炸雲吞超正，想食多啲，但係腸粉嘅皮略嫌太口，好似棉胎，食咗飽到暈！不過整體來說，都係一個唔錯嘅飲食體驗，推介！