Video
Read full review
2017-02-21
226 views
不可一，不可平之前見飲食雜誌介紹過大埔消夜，話呢一間新開嘅串燒鋪味道唔錯，今日特登試一試，平時已經好少寫食評，諗住好又一餐唔好又一餐，估唔到今次食到一半就已經忍唔住要抒發我心中的感受😭。味道2/10今次外賣自取，所以先講味道。叫咗五樣嘢，分別係豬肉年糕，韭菜，安格斯牛（ 自稱），雞翼，墨魚咀。整體來講五樣嘢都冇乜味，安格斯牛冇牛肉味，墨魚咀同埋雞翼食落口感覺好乾，豬肉年糕外面嗰層豬肉燒到好似豬肉乾咁，韭菜就還可以。味道有3分嘅原因，係因為佢全部野都係新鮮燒熟，而唔係已經整熟咗再翻熱(1分)，再加上佢係真係冇乜味精（1分)，但係啲嘢其實可以調味過先再燒。環境5/10呢間鋪頭前身都係串燒鋪，佢比之前裝修光先左。專做外賣嘅鋪頭來講算係合格嘅。衛生7/10我見佢每一串串燒都係喺煮之前先喺雪櫃拎出嚟，同埋生嘅食物會同蔬菜類分開燒。服務3/10可能因為尚算係試業嘅關係，負責落單收錢嘅妹妹非常新手，同埋等候時間過長，前後五串串燒，總共等左25分鐘。份量及收費2/10份量偏小， 20幾蚊四粒牛肉， 10幾蚊10條韭菜，好似6蚊一隻雞奕。總結：之前行過門口見到好多人排隊，以為真係好似雜誌咁講好味到飛天，
之前見飲食雜誌介紹過大埔消夜，話呢一間新開嘅串燒鋪味道唔錯，今日特登試一試，平時已經好少寫食評，諗住好又一餐唔好又一餐，估唔到今次食到一半就已經忍唔住要抒發我心中的感受😭。
味道2/10
今次外賣自取，所以先講味道。
叫咗五樣嘢，分別係豬肉年糕，韭菜，安格斯牛（ 自稱），雞翼，墨魚咀。
整體來講五樣嘢都冇乜味，安格斯牛冇牛肉味，墨魚咀同埋雞翼食落口感覺好乾，豬肉年糕外面嗰層豬肉燒到好似豬肉乾咁，韭菜就還可以。
味道有3分嘅原因，係因為佢全部野都係新鮮燒熟，而唔係已經整熟咗再翻熱(1分)，再加上佢係真係冇乜味精（1分)，但係啲嘢其實可以調味過先再燒。
環境5/10
呢間鋪頭前身都係串燒鋪，佢比之前裝修光先左。專做外賣嘅鋪頭來講算係合格嘅。
衛生7/10
我見佢每一串串燒都係喺煮之前先喺雪櫃拎出嚟，同埋生嘅食物會同蔬菜類分開燒。
服務3/10
可能因為尚算係試業嘅關係，負責落單收錢嘅妹妹非常新手，同埋等候時間過長，前後五串串燒，總共等左25分鐘。
份量及收費2/10
份量偏小， 20幾蚊四粒牛肉， 10幾蚊10條韭菜，好似6蚊一隻雞奕。
總結：
之前行過門口見到好多人排隊，以為真係好似雜誌咁講好味到飛天，原來係因為出餐時間過長，搞到好多人排隊（有啲被騙嘅感覺）。
千山萬水等到之後，返到屋企即刻開嚟食，發覺分量唔係想像中咁多，80幾蚊五串野。食起上嚟又冇乜味，非常失望。
雞翼，安格斯牛(自稱)，豬肉年糕，墨魚咀，韭菜
$83
18 views
0 likes
0 comments
Post
