Video
Read full review
2023-05-07
41 views
食Omakase 除咗交俾師傅發辦，等佢安排時令食材之外，仲enjoy睇住佢哋專心咁整嘢食，每道菜上菜前介紹日本時令或烹調方法，甚至乎傾下偈講下酒，more than a meal。一緒一番，就盡力帶到呢份感覺俾食客。餐廳位處士丹利街嘅大廈26樓，落地大玻璃，採光度十足。電梯一開門就係餐廳，中間位置係U型枱，三邊嘅食客都睇到師傅手勢。晚市分2set Omakase，另外可以添加單點item。➤前菜3款 紅酒漬蕃茄 甜甜酸酸，略帶葡萄酒味，好醒胃。另外蟹膏蒸蛋，望落平平無奇，其實好濃蟹味，好滑溜。➤生蠔岩手縣•令和の怪物，味道鮮甜肉質厚身爽口，加上柚子啫喱，中和返本身嘅海水味。➤刺身四點全部都係日本直送，分別有帆立貝 牡丹蝦 真鯛 間八，帆立貝勁厚身，好鮮甜，牡丹蝦好柔嫩，真鯛味淡但肉質有彈性，間八為四種中最肥美嘅，口感好清脆，加上係腩位爽口。➤煙燻拖羅拖羅輕輕加調味熟成過，口感較硬身，師傅將佢煙燻過，魚身好香煙熏味，比起普通拖羅加埋魚子多咗層次，而且擺盤好靚，打開蓋就有煙。➤壽司金目鯛 羽太 銀鱈魚 蜜柑鯛 大拖羅 腦天 海膽 師傅手勢好好，醋飯味道好平衡，唔會死實實或者太鬆散。金目
餐廳位處士丹利街嘅大廈26樓，落地大玻璃，採光度十足。電梯一開門就係餐廳，中間位置係U型枱，三邊嘅食客都睇到師傅手勢。
晚市分2set Omakase，另外可以添加單點item。
➤前菜3款
紅酒漬蕃茄 甜甜酸酸，略帶葡萄酒味，好醒胃。另外蟹膏蒸蛋，望落平平無奇，其實好濃蟹味，好滑溜。
➤生蠔
岩手縣•令和の怪物，味道鮮甜肉質厚身爽口，加上柚子啫喱，中和返本身嘅海水味。
➤刺身四點
全部都係日本直送，分別有帆立貝 牡丹蝦 真鯛 間八，帆立貝勁厚身，好鮮甜，牡丹蝦好柔嫩，真鯛味淡但肉質有彈性，間八為四種中最肥美嘅，口感好清脆，加上係腩位爽口。
➤煙燻拖羅
拖羅輕輕加調味熟成過，口感較硬身，師傅將佢煙燻過，魚身好香煙熏味，比起普通拖羅加埋魚子多咗層次，而且擺盤好靚，打開蓋就有煙。
➤壽司
金目鯛 羽太 銀鱈魚 蜜柑鯛 大拖羅 腦天 海膽
師傅手勢好好，醋飯味道好平衡，唔會死實實或者太鬆散。金目鯛都幾特別，師傅特登將魚鱗炸咗放咗喺面，令壽司有一種脆卜卜嘅感覺。
羽太即日本石斑，日本人鍾意嘅魚之一，煙韌得來有啲爽口。另外銀鱈魚燒過，超香油脂爆晒出嚟。
腦天，係吞拿魚天靈蓋，一條魚得兩塊超級罕有。師傅話肥美過大拖羅，筋少油脂多，灸燒後入口即溶魚味仲好濃。
海膽，睇返相已經想再食！視乎非常慷慨，總數有三層四層海膽，海膽都差啲跌晒出嚟，鮮甜新鮮。
➤串燒6串
同朋友嗌咗唔同嘅餐，同師傅講想試多啲嘢，有驚喜！
燒海老 牛舌芯 海鱔 和牛 雞腳筋 雞掌芯 雞皮蝦卷 秋葵 洋蔥仔
雞腳筋超爽口，脆卜卜。另外雞掌芯，厚肉得來有咬口，兩個超刁鑽嘅部位冇諗過Omakase會有。另外海老非常新鮮好爽口，火候啱啱好，唔會過熟 。
➤湯 ➤甜品
初初以為唔會好飽，其實食實成個Menu後，非常滿足。整體每個item都好平均，串燒表現更加突出。見舖頭間唔時有wine pairing，鍾意研究sake 嘅朋友，book mark佢！
Post
