一緒一番酒場

Open Now

Now Closed

未有得返鄉下， 係香港享用到高質OMAKASE 都可以好開心放工嚟到 STANLEY 11 頂樓一出LIFT就見到好開揚嘅落地玻璃， 空間感十足點影都靚全吧檯設計， 可以一路同師傅傾偈一路品嚐美食晚餐唔洗諗， 必點＄888 就有份量豐富嘅 OMAKASE 特色前菜海膽豆腐配紅酒蒜頭+芝麻牛蒡擺碟已經好靚， 係一份微酸嘅開胃菜刺身深海縞池魚配柚子酸汁好喜歡當中嘅柚子味衝擊味蕾手握壽司十貫紫蘇葉墨魚： 墨魚彈牙配上紫蘇的淡淡清香，風味獨特金目鯛： 油脂含量適中，肉質細膩帆立貝： 清甜爽滑配上提鮮青檸汁鰤魚： 少有吃到嘅款式， 口感豐富且味道清甜烏梅子赤蝦： 口感彈牙且戴酸甜味九州鯖魚： 加咗芝麻同蔥花香味十足，口感紮實鮮甜活北奇貝：面頭略略燒過令甜味更特出中拖羅： 口感入口即化, 油香四溢而又鮮甜無比,海膽馬糞： 味道濃郁，口感嫩滑碟魚裙邊： 面頭輕輕燒香既碟魚裙邊，口感肥美而帶有微醺的軟糯燒物：麵豉豚肉 同 雞翼 都燒得剛好上檯已經聞到好香特別喜歡辣辣地嘅麵豉豚肉估唔到連甜品都咁精緻蘋果＆白桃吉士卷 各一件明明已經好滿足都忍唔住食晒兩件成餐飯都食得好開心仲可以同師傅有講有笑有美食環境又好

今日晏奏去完中環見客，去咗一間以前同事介紹過嘅日本餐廳食咗個lunch set。 餐廳樓底好高，空間感十足，另外以吧檯形式咁坐，可以清楚望清楚師傅切魚生嘅刀功。 店員推介我試咗個北海丼 午市套餐配有前菜、麵湯、茶碗蒸、煮物。 前菜係帆立貝沙律🥗，帆立貝味道鮮美，沙律菜爽甜，加左黑椒調味，清新得黎，帶點小刺激。 茶碗蒸非常吸引🤩，上面鋪咗個呈橙紅色嘅蘭王蛋黃，，色澤光亮，而且蛋香非常濃郁，蛋黃上仲加咗黑松露，將味道提昇至極緻。茶碗蒸入面仲有鮮甜爽脆嘅三文魚子、本菇、鳴門卷🍥、蟹膏，令整個茶碗蒸都充滿鮮味，味道相當出色。 主角北海丼出場，有鰤魚、海膽同埋帶子。鰤魚肉質甜美，脂膏豐腴；海膽呈淺橙黃色，味道濃厚甘甜，回甘強，海膽膏的瓣塊較小，極其鮮美；帶子粒粒又大又飽滿，肉質柔軟，鮮味濃郁。三款刺身加埋將食物嘅鮮味提升至極點。米飯係珍珠米，粒粒潔白晶瑩、粘而不膩、味道極佳。 師傅仲介紹咗佢哋自家製嘅士多啤梨酒🍓🍶，呢個酒用咗兩年嘅日本燒酌同日本最上乘嘅士多啤梨釀製而成，酒精濃度好少，但有淡淡嘅士多啤梨香，味道香甜易入口。

要了980hkd lunch supreme omakase, 壽司很普通同食完朋友同我都未飽。我覺得最多值1/3 價錢。食過程中廚師差d將醬油撒到我朋友到。 中環黎個價位選擇真係好多講真我好小寫評價，真心唔明白點解

中環高層靚景廚師發板 — 一緒一番酒場呢間一緒一番酒場係位於中環Stanley 11樓頂樓，透過落地大玻璃可以觀賞到靚景🌃全部位置都是吧枱，方便客人一邊吃飯一邊欣賞師傅製作食材，今次食佢哋嘅晚市套餐($880)，套餐包括有前菜、刺身、壽司、麵豉湯前菜：蕎頭、三文魚籽黑松露玉子、粟米刺身：北海道象拔蚌刺身，面頭加咗岩鹽，好鮮甜爽脆壽司：1️⃣真鯛魚 入口好腍2️⃣北寄貝 好爽口鮮甜3️⃣鰤魚：落左胡椒鹽，令鮮味更突出4️⃣帆立貝：曬上紫菜鹽、好厚身大件5️⃣日本版馬友：有火炙過的香味，入口鮮嫩6️⃣吞拿魚赤身：質感軟嫩7️⃣銀鱈魚配黑松露：兩者食落去好夾，銀鱈魚好有彈性8️⃣中拖羅：入口即溶、充滿油香，因為係魚鮫位置，所以冇乜根9️⃣赤海膽：味道濃郁，口感嫩滑🔟右口魚邊：油香滿溢串燒燒物有雞腿肉、雞軟骨、蝦肉秋葵最後重有麵豉湯同甜品～

今日去中環同朋友食晏😋揀咗呢間可以望到中環靚景嘅日本餐廳🍣好彩早到咗，估唔到平日午市都坐滿🥳兩個人叫咗兩個lunch set🍱有茶碗蒸、沙律、麵豉湯🍵茶碗蒸嘅配料仲多過雞蛋😍😍😍啖啖都食到唔同的配料😋$398刺身拼盤定食🐠當日嘅刺身非常新鮮👍🏻薄切真鯛魚有口感😋馬友魚肉質結實，輕輕燒過帶陣陣焦香🤤係我當日最欣賞嘅刺身☺️赤身冇筋👍🏻獅魚大大件🤤北海道象拔蚌新鮮爽口😋帆立貝大大粒好鮮甜😋$268一番爐端燒串燒拼盤🍢雞翼/雞皮/豚肉/雞軟骨/芝士翠玉瓜/蝦釀秋葵各有一串😋當中最鍾意芝士翠玉瓜同蝦釀秋葵🍡口感豐富，蔬菜又鮮甜😋

週末在中環想舒舒服服食個日式午市定食，就找到了位於Stanley 11 26 樓的「一緒一番酒場」，餐廳在大廈的最高樓層，可以遠眺中環景色，而且坐得舒服，午市定食選擇眾多，有刺身、魚生丼、熟食、串燒，而且質素唔錯👍▪️午市定食包括主食+沙律+麵豉湯+茶碗蒸新鮮沙律菜配合麻醬，清新又美味，茶碗蒸蒸蛋非常香滑，食完兩款前菜胃口瞬間大開😋主食點咗碎切刺身壽司丼，一上枱份量超大碗，面層佈滿三文魚籽，大量各切魚生粒粒，估計應該有五至六款魚類，師傅已經用醬油調味，米飯加了飯素，增添風味，魚生食落超級新鮮，伴一口米飯，滋味無窮，食完飯之後飲返口濃香的麵豉湯，非常豐盛的一個午餐

🙋🏻‍♂️餓底探員去咗中環調查呢間日式居酒屋，餐廳環境舒適，全吧枱座位，可以坐定定欣賞廚師做料理，然後將美食送到面前，過程非常治癒，今次嚟食咗個lunch set都咁chill，夜晚嚟食一定更有氣氛🍱碎切刺身壽司丼 $280🙋🏻‍♂️表示個丼飯有吞拿魚，帶子，墨魚同鰤魚多款角切刺身，味道鮮甜，三文魚籽爆汁，丼飯用上日本產米，加入咗飯素，整體口感非常豐富，lunch set附有前菜，茶碗蒸同味噌湯，沙律配上粟米同車厘茄，食落清新開胃，茶碗蒸口感嫩滑，加入咗香菇，魚板同香草，味道鮮香，味噌湯入面有昆布同蘿蔔，飲落鮮香濃郁，食完呢個lunch set非常滿足📈吃貨指數😋好味度 9/10🔙返啅度 9/10

是日又同朋友去食好西🤤中環靚餐廳多不勝數今次我哋嚟到一間高級日本菜餐廳歎返個靚lunch😋餐廳位於大廈26樓 坐擁中環商廈開揚景色🏭日光隨落地玻璃徐徐灑進座位 令人身心舒暢以廚師料理台為中心 座位以正方形排列餐廳有供應omakase 亦有供應價錢較相宜的lunch set🍱我哋就揀咗後者試試先～😆Lunch set附送茶碗蒸、麵豉湯 仲有沙律🥗熱辣辣嘅茶碗蒸相當吸引 蛋亦十分嫩滑🍣碎切刺身壽司丼（$280）三文魚籽、刺身鋪滿一整個碗睇到都流晒口水🤤好少可一次過食咁多款刺身覺得好滿足！💯🍢一番爐端燒串燒拼盤（$228）睇住師傅逐條炮製串燒 都知道係心機之作拼盤有雞翼、雞皮、豚肉、雞腎、翠肉瓜、蝦肉秋葵串燒雞皮燒得香烤而不算油膩而釀了蝦肉嘅秋葵食落爽滑可口 兩者非常搭配因為調味唔算重手 所以能品嚐食材真味 亦輕盈不飽滯配飯食亦都好唔錯👍🏻

環境開揚，中午落地玻璃透住自然光✨，幾舒服。午市定食配有沙律、麵鼓湯及茶碗蒸。茶碗蒸幾滑溜，亦唔會太鹹，唔錯～🥣🍱碎切刺身壽司丼 $280刺身份量不少，切到大大粒，非常足料🫢 有三文魚、吞拿魚、三文魚籽等等，亦加入飯素，調味剛好，食落鮮味十足！幾抵食🍣🍢一番爐端燒串燒拼盤 $228師傅會即點即做串燒。六款串燒🍢包括雞翼、雞皮、豚肉、雞腎、翠肉瓜 及 蝦肉秋葵。簡單調味已係香口，配上加上飯素嘅白飯，好豐富。

太耐無吃日本料理，今日中午同同事一起出來食餐好野，裡面無算大，但係有個落地窗可以見到中環街景，服務態度好好，會介紹佢哋的餐牌，因為係開放式廚房所以可以近距離見到師傅切野，等食時唔會無聊，點咗份刺身拼盤所有肉質都好鮮美嫩滑，串燒拼盤同樣肉質新鮮冇來錯值得來食。

🍶一緒一番酒場📍中環士丹利街11號Stanley 11 26樓@btbarandgrill好適合同閨密去嘅高質Omakase！👯‍♀️位於頂層可以邊嘆靚景，邊食美食，廚師同其他員工都好用心，用餐體驗超好💖🍣廚師發辦嘅壽司set好抵食，包前菜、薄切、壽司十貫、燒物、湯同甜品，即握壽司全部都好正， 最驚豔一定係海膽，好新鮮+鮮甜，其次就係拖羅，油脂感好足，食完超滿足🤤🍢燒物：有豚肉、雞軟骨同秋葵蝦滑，即席燒製所以勁香口惹味，特別係豚肉嘅油脂由內滲出嚟，超正！🥣一緒特色湯： 足料味噌麵豉湯，新鮮滾熱辣，好滋味！🍰甜品：士多啤梨窩夫，食落煙韌甜度剛好，完美點綴咗成餐飯～

老公搵咗好耐決定在此幫我慶祝生日. 結果極度令人失望...完全一個大伏環境正路, 一入座都見到有三台客. 但越食越唔對路...完全不符合服務水平1. 菜單上超過十個項目冇貨2. 倒瀉咗我杯sake, 當冇事發生過3. 燒豆腐, 豆腐係壞嘅 （所以佢願意取消）4. 因為舊豆腐係臭, 所以幫我收咗碟, 但完全唔記得要畀返隻碟我5. 串燒師傅抺完鼻涕完全冇洗手就處理食材6. 雞髀肉串燒細到好似雞軟骨間餐廳得六個客三個員工都做到咁最後佢話送個甜品畀我慶祝生日刺身拼盤20件, 收費$1298...都算係新鮮book枱仲要俾定金$600服務態度係ok但服務水平不能接受都係唔使再嚟

🥢Omakase Sushi Set⚡️好掛住日本，唯有食住Omakase先🥹又估唔到俾小女子搵到中環呢間咁高質又性價比高嘅Omakase(⁎⁍̴̛ᴗ⁍̴̛⁎)佢係最頂層可以俯瞰中環嘅靚景，加上廚師同員工都好貼心，所以成餐飯食得好舒心～⚡️晚巿🥢Omakase Sushi Set包括前菜、薄切、壽司十貫、燒物、一緒特色湯同甜品🤤唔係講笑食到勁飽，手握壽司每款都好鮮味，特別係拖羅，油脂四溢真係冇得輸👍🏻⚡️🍢燒物有豚肉、雞軟骨、秋葵蝦滑，師傅現場燒製，每款都香噴噴又富有焦香⚡️甜品係🧇士多啤梨窩夫，煙韌有嚼勁唔會好甜，超完美呀～🙌

今日黎左約左朋友黎左中環, 好耐冇食日本野, 上網見到呢間係中環好多好評既日式餐廳, 於是卜左位黎食個lunch, 好欣賞係餐廳位置中環stanley 11 既高層, 可以一路食一路飽覽中環景觀餐廳有omakase 同埋午市餐廳, 可以近距離欣賞廚師刀功, 平平地都可以食到高級既日本料理, 同朋友揀左兩個定食, 每樣午市定食都包前菜沙律, 麵豉湯同茶碗蒸, 滿滿儀式感, 服務亦都好好特選刺身定食吞拿魚新鮮嫩滑, 口感極佳, 另外有馬友魚, 鰤魚, 金鯛, 全部都好新鮮, 魚脂味香濃, 薄薄既真鯛魚魚味淡淡滲出黎, 口感軟滑, 有入口即融既感覺, 配上飯完全夠飽又開胃一番爐端燒串燒拼包括左雞軟骨, 豚肉, 雞皮, 翠肉瓜, 蝦陽秋葵, 賣相吸引之餘味道都冇令人失望, 全部燒得岩岩好, 咸度調味一流

最鍾意食日本菜🇯🇵早前就同朋友嚟試下～一入到餐廳就見到落地大玻璃，可以俯瞰中環景觀。側邊擺滿來自日本嘅酒同食材，裝修充滿日本風情我地今次食嘅午市套餐包括有日式雜菜沙律、麵豉湯、刺身拼盤、北海丼同茶碗蒸。沙律新鮮爽口，酸甜開胃。刺身拼盤入面有真鯛魚、池魚 、赤貝 、鰤魚 、銀鱈魚 ， 全部都非常新鮮，配搭米飯令到整個層次更加豐盛同平衡。而茶碗蒸質地嫩滑，清淡而又美味🥚無論係食物，環境同服務質素都值得一讚👍🏻啱曬過嚟慶祝同埋食嘢打卡～