Cafeholic

Open Now

Now Closed

今次食呢餐係喺沙田，門面如圖，以lunch/brunch黎講，價錢中等偏貴。但佢嘅lunch 11點就提供，都幾早，啱食brunch 嘅朋友。我地點左（1）紅酒燴牛肋條配燒汁，配白飯同菜。82蚊。牛肉肉質鬆軟，都幾好食，個汁都係意料之中，意外嘅係啲菜，用牛油煮，好香甜。白飯用珍珠米，撈汁食都唔錯。（2）黑松露軟殼蟹鮮菌忌廉燴飯，$112。第一次食軟殼蟹，炸得脆，好易咬，中間有蟹肉，同埋個飯食好有層次。個飯份量大，黑松露味同芝士味都好濃，如果鍾意重口味應該幾鍾意，我食頭幾啖都覺得好好食，食得多個味有啲漏，如果同朋友share會好啲。整體黎講，正正常常，性價比各樣會畀7/10。