豐信餃子店

Open Now

Now Closed

疫情第五波以來都係家中自煮居多，難得出開去，就去咗太子一間人氣餃子店買外賣返屋企嘆吓，咁又可以煮少一餐！但係疫情之前日日排長龍，係咪真係咁好食呢？芝士粟米鮮肉餃 （$42 - 7隻）入口味道好甜，但係好似食唔到芝士味，我以為自己叫錯普通粟米鮮肉餃，味道唔錯，皮薄餡多！食得出係新鮮制作。芫荽鮮肉餃 （$42 - 7隻）加金沙醬（任何煎餃 +$15 可加配金沙醬）我本身係芫荽愛好者，不過我懷疑我只係鍾意食生的芫荽，味道好似同我想像中有些不同，熟咗的芫荽香味就大大減弱，但芫荽份量都幾多，芫荽愛好者可以一試。（任何煎餃 +$15 可加配金沙醬）煎餃上面放滿金沙醬，邪惡視覺效果一流！試一試個金沙醬，唔知咩原因覺得味道有點怪怪，又好似同我想像中不太一樣，所以我唔建議大家加$要金沙醬，加咗之後反而唔好食。羅漢果甘草茶 （$10支）- 甘甘地甜甜地，可以消除油膩感和煎餃的熱氣，值得買一樽解解渴。菊花蜜 （$10支）- 食完熱氣野真係要清清熱氣，再加上有疫情更加唔可以比自己喉嚨痛啦！係菊花水加上百花蜜糖，味道清甜。