餃掂手工餃子雲吞專門店

Open Now

Now Closed

最近心血來潮好想食餃子，就近近地係屋企附近搵間餃子店～餃掂有好多款餃子可以揀，因為好想食啲香口嘢，所以叫咗兩款煎餃子～推薦龍鳳松茸餃！一食落去嘅松露味好香，咬開除咗豬肉之外仲見到黑松露，作為黑松露愛好者表示呢款好好食😭😭👍🏻我地仲叫咗一款經典韭菜餃，餃子好飽滿，漲卜卜，值得一提係佢哋嘅煎餃子外皮真係整得好香脆～韭菜餃好惹味，仲有肉汁，而且因為有啲菜，所以冇松露餃咁膩😝😝本身驚唔夠飽，仲叫咗碗涼皮，涼皮Q彈滑嫩，配上佢哋嘅酸辣涼拌汁，好開胃🤤最後飲翻杯檸檬蜂蜜薏米水，解膩消食，食完煎炸嘢第二日都唔驚水腫！