餃掂手工餃子雲吞專門店

呢間餐廳開左一排，成日都好長龍，今日終於約埋班同事一齊試下。餐廳唔算多位，十二點三左右到都要排一陣，我地5個人應該等左十五分鐘左右就有枱。我地五個人叫左五款餃子加一份四川涼麵一齊食。四川涼麵有啲炒花生同麻醬加埋都幾香口灼至尊松茸豬肉餃(大碗)因為係灼，所以湯係另上。好香嘅松茸味，但食落都有啲淡。個湯又真係無咩味精，係唔錯嘅！粟米豬肉餃都幾大隻，大碗有十隻食完都有啲飽！ 粟米同豬肉比例相若，比松茸香甜啲！椰菜雲耳豬肉餃清淡得黎加埋椰菜嘅爽口，又健康又好食。果道都算淡我地嘅焦點放在煎芝士餃同韮菜豬肉餃度！芝士餃其實唔多芝士，不過即叫即煎，所以非公上枱都仲係流心同脆！！最驚喜係芝士餃都有粟米咖，唔會好漏！韮菜餃就同平時食果啲差不多，但好多韮菜！整體黎講，煎軟心芝士餃最吸引！喜歡清淡嘅都可以試下椰菜雲耳餃同粟米餃。 松茸餃則有少少名過於實，不過一試無妨。