翡翠拉麵小籠包 (Moved) New Location

翡翠拉麵小籠包俾我嘅感覺係座位狹窄，食完要即走，快餐店一間。今日嚟到旺角瓊華中心分店令我改觀😌一出𨋢看到餐廳環境寬敞，座位之間唔會太迫。而且六點前到店，當然坐得舒舒服服啦。雖然係咁，照例都要個半小時還枱😑先點夫妻肺片$68 - 細細碟，麻辣味幾出，頗多花生碎放面增加口感。當然要點小籠飽$38試吓 - 熱辣辣、皮薄但唔會易穿、有肉汁，果然有番咁上下水準。回鍋肉配薄餅$74 - 上枱已經聞到好香，夠晒鑊氣。上海炒年糕$73 - 質地煙靱，味濃，高分。蘿蔔絲酥餅$38 - 賣相不算十分好，但食落夠鬆化，燙口到不得了，餡亦夠濕潤，不錯。滿足的一餐，食多咗又要努力啲運動嘞🏋🏼🏋🏼🏋🏼