翡翠拉麵小籠包 (Moved) New Location

1）菜肉雲吞湯皮薄及菜肉比例剛好，上湯味道清淡，視個人喜好，我個人認為還是可以接受。2）炸醬麪味道不錯啊👍感覺比正常嘅偏辣多一點麪款今次選了龍鬚麪夾埋醬料比較多口感口感不錯！3）五香牛肉麵牛肉味道香濃，軟淋淋易入口小朋友也大愛🧡香濃湯汁配埋麪（不太淋也不太硬）一起食份外有滿足感。4）上湯小籠包皮夠薄湯夠甜，保持水準不變👍

同朋友上左去呢間餐廳諗住食少少野之後睇戲 叫左醉豬手同埋排骨湯麵 之後身邊2檯客先後坐低落單到佢地都有第1碟食物上檯時我地仲未有 見到出菜位有幾碗麵未出諗住下一輪應該都有 等完又等都係未有 之後叫左個侍應跟一跟張單睇下係咪漏左佢有冇跟我地唔知 因為佢冇回覆 等到得番十分鐘就開場我地仲未有野食隔離2檯都有2-3碟食物然後我同朋友講 我地走喇 唔等喇朋友話 係囉 如果佢地話要比服務費 最多比埋佢我話 如果佢要收 我會同佢地講 你地比左啲咩服務我?當我地準備走之際 幫我地落單既男侍應行埋黎話 呃 唔好意思...我話 張單唔要啦 之後走 有咩理由遲黎我地十幾廿分鐘既都有野食但我地冇?如果我地係叫啲即製既就話慢啲 但醉豬手呢啲唔係一早準備好架咩? 隔離檯連麵都有埋但我地一樣食物都冇 係咪叫得少就唔係客?叫得少就代表上菜慢都得?見到有個侍應淨係係度準備新既碗筷但唔出餐 出餐處果度擺滿食物都唔送比客如果現有既客都未有食物又點樣有檯比新客?

難得假期與他睇完戲食個午餐，點知係一間貴兼唔好食嘅一餐哩度有午市套餐，會送例湯，不過都一啲唔平，喺旺角區黎講嘅午市套戲真你幾貴佢叫左糖醋魚塊配菜飯，未加一都要成$85，但係份量亦不多，而且味道太濃，糖醋醬過份甜跟上嘅菜飯都幾油，而且有部份米都未煮開我叫嘅葱油伴麵就算撈勻左都係無乜味，好清淡，一啲葱香都無。哩度食物質素欠奉，而且仲要收每位茶錢$6，再加一服務費，不過職員態度欠奉，佢哩度嘅碗碟都洗得唔乾淨，有手指模，叫職員換過個，就一手收左去，一聲唔出，覺得好無禮貌！下次決不再來！

有段時間無食翡翠，之前感覺都係麻麻地，尤其轉手LV後質素更加普通。醉雞味道好好，酒味幾濃，今日中要幾好彩有碑食。雞絲粉皮啲青瓜盡顯師傅功架，切得好幼中要一刀過。擔擔麵，湯底好濃，而且拉麵係即刻拉，夠曬新鮮，辣到剛剛好。值得一讚主菜既紅燒肉，豬肉炆得非常鬆化，入口即溶，味道合到好處

勁難食，點解可以叫小籠包、雞絲粉皮、擔擔面同生煎包，竟然可以樣樣都咁難食！唔怪得無人食，其他分店都好正常，呢間分店勁唔掂😖😖😖😖食完要食其他野平衡下🤮🤮🤮

侍應服務態度差，多次叫加茶都無人理，到加單時順便叫加茶，侍應回應一陣先。請員工協助拍照，居然回應:一陣先，未得閒……最終都無過黎協助拍照，食物尚算Ok,今日是節日，卻不滿坐，仍有多枱空位。訂枱時說只可吃1.5小時，但眼見訂位的人客不多。優點是，不需要等位，好快便有位，食物分量細，如人多可點選多款式，試不同菜式，茶都好飲，坐位舒適，但如人多，要併枱坐，沒有圓枱，難以談天。總括而言，一般，旺角區無位，才會選擇這間……

一直以黎都係翡翠既fans~ 以前沙田有鋪幾乎每兩個星期就去食一次😋鐘意佢keep到高水準 價錢又合理當時唯一既煩惱就只係要早早去拎位/上網拎飛因為每個夜晚都一定大排長龍沙田店無左..我地想食就要出到旺角先有..(後來先知原來馬鞍山都有間,但都唔太近我地)旺角店比較新, 所以裝修方面都有落過心思成個氛圍以地道香港風格做主打牆身掛左好多老香港既相, 仲有d霓虹燈既倒影唔知係咪為左配合昔日情懷既關係, 整體燈光係比較昏暗同偏黃我個人黎講鐘意食野既地方光猛d呢😂😂😂因為望野食可以望得清楚d😂😂係昏暗既環境中都見到有1-2隻小蚊之飛黎飛去...希望餐廳要多加注意衛生問題一如既往 餐牌提供各種上海美食由前菜,涼菜,小食,主菜,湯,粉麵飯,到甜品都有好多選擇而且價錢的確係合理~👍🏻第一次黎旺角店, 我地都決定叫d以前無叫過既野開洋蔥油乾撈拉麵$46 (餐牌上有另一個叫"蔥油乾撈拉麵",價錢一樣,據員工講唯一既分別就係無左蝦米乾)蝦米同炸左既青蔥份量都好多, 但係同個麵就好似融合唔到一齊都係麵還麵 蔥還蔥 蝦米還蝦米既感覺而蔥油醬就偏向淡味下次應該都唔會再叫呢一個/.\之前都有食過既南京鹽水鴨$62

好耐無去瓊華，曾經係中學時代流連既商場！昔日既小店已經無晒，已經被先施取代左今晚去拎手信，約左朋友呢度等，瓊華有好多選擇，日式韓式燒肉，打邊爐，台灣野都有，今晚就揀左翡翠拉麵小籠包！6點黎到，有2-3台客，坐得都幾舒服今晚叫左5樣食物+罐可樂五香牛肉拉麵~牛肉好香，湯底清清地，岩晒病病地既我上海小籠包~3個人叫左2籠，我1個唔覺意吉存左，無晒d湯汁但係好味既紅油抄手~呢間會加辣汁同撈埋d醋，都幾野味蘿蔔絲酥餅~呢味菜真係唔係度度有得食，功夫菜，我好鍾意食口水雞撈麵~order既時候，侍應提我地會好辣，所以叫左小辣，但食個陣都覺得好辣，係麻辣個鍾，食到係咁隊可樂

講開上海野 又點會諗唔起呢間呢～港🐷對上一次食 已經係幾年前喇🤔 有幾款都幾好味☺️----------四川擔擔拉麵 ( $56 )呢個擔擔麵唔算好辣 反而酸多過辣 記得記得要撈勻左先食😂麵有8個種類可以揀 正常就係拉麵 不過港🐷就揀刀削麵 食落淋左啲啲 但第一次食咁嘅配搭😬-百頁結烤肉 ( $80 )五花肉超淋 脂肪同肉嘅分佈好平均😬調味啱啱好 食落去啖啖都有肉汁 不過超邪惡😈 百頁結食落似淋啲嘅豆乾 原來係豆腐嘅另一種製品 食落好得意🤔-甜品方面 有兩個都幾啱秋冬時候潤下🤗酒釀丸子 ( $30 )薑茶湯丸 ( $30 )酒釀丸子好重桂花味 而且超多丸子 煙煙韌韌 唔係平時食到圓形嗰種😂 湯圓就普普通通 個湯超薑 好暖胃😂

中午來店、人不多所以二人可以坐卡位感覺不錯點菜方面點了 紅油抄手、上海排骨拉麵、海鮮喇沙拉麵等了十五分鐘左右先送上紅油抄手但沒辣、及不好吃上海排骨拉麵、湯底我嚐不出用什麼來淆、拉麵不錯、但排骨除了硬之外我戈不到更好形容最好笑的是這個喇沙拉麵、等了超過半小時才上菜、但竟然來了一碗'鯊魚骨海鮮拉麵'無言了！等了半小時、但來了一個錯的東西好不好吃我留給大家幻想空間。但下次我會選擇吃其他。

是日跟朋友去完迪士尼後，打算出旺角食晚餐，因為之前都食過依間餐廳，覺得唔錯既，所以決定食依間，可能都夜了，所以餐廳既客人都唔算係好多，order 完，啲食物上得好慢，依個唔係啲咩問題，尚可接受，其實一直都相安無事既，係突然間朋友聽到勁大聲砰一聲，之後開始勁多尖叫聲，原來有隻老鼠係天花跌左落黎。。真係超級恐怖，隻老鼠係個埸跑左好耐，好恐怖，雖然啲職員不停地講sorry ，但我真係接受不了，可一不可再

1) 在某星期日去幫襯，廚房出現老鼠，要廚房人員和侍應一同去抓，由廚房一直跑到廁所;2) 侍應很專制！顧客們都有訂座，他們卻規定了某種座位不能坐。他們已經留座的，就留給了自己人，且一個人就佔了一個四人座枱;3) 做半價優惠，薰魚的份量也就相應的減掉一半，有欺騙之嫌。

呢度地方寬闊，比對以往我所認識嘅翡翠拉麵小籠包，枱凳密質質和通道狹窄完全唔同，呢度嘅裝修亦比較潮，冷氣又涼，今日咁熱，係呢度坐低食野特別享受。試過食物後，覺得係中上水平，小籠包一定唔算招牌，反為夫妻肺片和回鍋肉較出色，個別菜式較油膩，或者這是上海菜嘅特色。夫妻肺片麻辣度足夠，牛肚牛𦟌夠入味，醬料仲加入花生碎，真係連汁都食埋，正啊！回鍋肉 (薄餅) 醬汁濃，相當夠熱，回鍋肉唔算太肥，加上豆腐乾，椰菜，紅椒青椒，夾住薄餅食，好味又有特色，不過食完後發覺碟裡面剩低好多油，呢味菜頗油膩。上海炒年糕年糕煙韌，唔會太咸，不過醬汁太稀，唔能夠掛喺年糕同埋椰菜面頭，反而沉晒落底，所以我覺得呢味食品水準普通。小籠包小籠包外皮比較厚，缺乏彈性，好彩裡面嘅湯汁同埋肉都夠鮮味。蘿蔔絲酥餅熱辣辣 外皮鬆化，可惜賣相醜陋，以味道而論，都係好食嘅，不過希望個樣整得好睇啲。酒釀小丸子桂花味濃，丸子煙韌，中上之作。

今天中午和朋友吃點心喝茶後到旺角逛逛街。朋友長期在韓國居住所以今天兩餐都選了中菜。朋友懷念小籠包和麵食，在韓國一直都找不到做得好吃的店。我們討論一番後決定到翡翠拉麵小籠包。我知道他們麵食很出名，冷盤和甜品我也有試過一些，但很久沒有吃過了。今天就再來嘗嘗他們的菜式。醉雞，每到一家吃上海菜的店都會點。酒味濃，這上的是雞胸，還好，都算嫩滑。小籠包，熱辣辣.....包皮厚，湯汁還算充足。最近天氣很熱，想吃清淡一點，所以就點了個菜肉雲呑拉麵，雲呑是他們店師父自己包的。麵也是自家拉麵很有咬勁，雲呑餡料滿滿雲呑很快會泡淋容易散，要快點吃。豆沙窩餅有點失望，粉感太重，沒有豆沙的甜味生煎包，出奇地細粒，印象中是我見過最細的忘記了這道的名字是起了肉的青瓜皮，十分脆口，酸酸甜甜，反而變成今晚的亮點菜整體地不過不失，還是拉麵最好吃

翡翠拉麵小籠包俾我嘅感覺係座位狹窄，食完要即走，快餐店一間。今日嚟到旺角瓊華中心分店令我改觀😌一出𨋢看到餐廳環境寬敞，座位之間唔會太迫。而且六點前到店，當然坐得舒舒服服啦。雖然係咁，照例都要個半小時還枱😑先點夫妻肺片$68 - 細細碟，麻辣味幾出，頗多花生碎放面增加口感。當然要點小籠飽$38試吓 - 熱辣辣、皮薄但唔會易穿、有肉汁，果然有番咁上下水準。回鍋肉配薄餅$74 - 上枱已經聞到好香，夠晒鑊氣。上海炒年糕$73 - 質地煙靱，味濃，高分。蘿蔔絲酥餅$38 - 賣相不算十分好，但食落夠鬆化，燙口到不得了，餡亦夠濕潤，不錯。滿足的一餐，食多咗又要努力啲運動嘞🏋🏼🏋🏼🏋🏼