House FiftyEight

Open Now

Now Closed

位於觀塘工業區的House FiftyEight，餐廳裝潢具有工業風格，佔地很大，有好多大卡位，好適合一大班同事朋友聚會及HAPPY HOURS。餐廳設有露台座位區，視野開闊。今日點左２個午餐，分別係紅酒燴牛尾及拿破崙雞肉焗螺絲粉，而餐湯也特別點了２款不同味道的。紅酒燴牛尾：肉質鮮嫩入口即化，醬汁濃郁鹹香，菇類和蔬菜吸收哂牛肉汁，十分美味。拿破崙雞肉焗螺絲粉：雞肉鮮嫩多汁，螺絲粉軟硬剛好，個汁酸甜適中，烤芝士香氣四溢。蘿宋湯：湯底比平時飲開既偏濃偏酸，正好是我喜歡的味道，湯料豐富，茄菜爽口健康。磨菇湯：湯底濃郁，磨菇香氣撲鼻，佢唔係磨菇蓉，係好多蘑菇細粒，好有口感。朱古力飲品：朱古力香醇濃郁，熱和冰凍兩種口感都不錯。餐廳推出多款優惠，例如身分證有５或８字，堂食會送HAPPY HOURS小食。午餐價格在百元左右，而且２點後仲有８折優惠，餐廳亦有專門FOR寵物食既寵物餐，有興趣可以向店員查詢。