Video
Read full review
2024-09-11
308 views
大圍站出口過條馬路就見到搵食市集入面有十二味 ，要上一層樓梯，😑 如果係老人家 ，腳唔方便 就未必 適合 行樓梯 。我哋兩個大人一個小朋友，星期六午飯時段大約一點鐘去到，唔使等位， 接待嘅阿姐叫我哋坐低 ， 頭頂係出風位 😅有啲無奈，餐廳用咗上一手嘅裝修，以灰色 黑色為主 有啲昏暗 food court feel。一坐低睇下餐牌，可以用qr code落單，lunch around 70-80蚊，連 一盒維他檸檬茶 ，其他 種類嘅 嘢飲係要另外加錢 ，我哋嗌咗一個 set 酸菜魚 配飯+ 一盒檸檬茶$73 ，另外 散嗌 蔥油拌麵 $38，乾炒四季豆 $68，同埋一杯梳打水 。酸菜魚 可以揀 辣度，我揀咗中辣 ，其餘兩碟餸菜也可以揀 "少鹽" & ‘’少油" ， 哩方便 真係值得一讚，幾細心。 餸嚟到，份量真係算大 ，相信兩個大人share一碟都夠食， 味道ok ，酸菜勁多，魚肉都ok多， 蔥油伴麵感覺上係一扎乾蔥再加一啲豉油炒埋一堆，冇乜特別賣點 ，乾炒四季豆加上啲肉鬆炒，炒得幾 惹味 ， 三樣餸菜 都有同一個特點 ! 😵💫好油膩 ! 食咗一大半就覺得 頂住個胃 ，因為之前喺app點餐
我哋兩個大人一個小朋友，星期六午飯時段大約一點鐘去到，唔使等位， 接待嘅阿姐叫我哋坐低 ， 頭頂係出風位 😅有啲無奈，餐廳用咗上一手嘅裝修，以灰色 黑色為主 有啲昏暗 food court feel。
一坐低睇下餐牌，可以用qr code落單，lunch around 70-80蚊，連 一盒維他檸檬茶 ，其他 種類嘅 嘢飲係要另外加錢 ，我哋嗌咗一個 set 酸菜魚 配飯+ 一盒檸檬茶$73 ，另外 散嗌 蔥油拌麵 $38，乾炒四季豆 $68，同埋一杯梳打水 。
酸菜魚 可以揀 辣度，我揀咗中辣 ，其餘兩碟餸菜也可以揀 "少鹽" & ‘’少油" ， 哩方便 真係值得一讚，幾細心。 餸嚟到，份量真係算大 ，相信兩個大人share一碟都夠食， 味道ok ，酸菜勁多，魚肉都ok多， 蔥油伴麵感覺上係一扎乾蔥再加一啲豉油炒埋一堆，冇乜特別賣點 ，乾炒四季豆加上啲肉鬆炒，炒得幾 惹味 ， 三樣餸菜 都有同一個特點 ! 😵💫好油膩 ! 食咗一大半就覺得 頂住個胃 ，因為之前喺app點餐嗰度，係有得剔少鹽&少油，客人自然會 期望 真係會清淡啲，但 事與願違，有勁大嘅落差😵， 同 一般大排檔 小炒 冇分別 ，唔知剔 小鹽小油 嚟做乜 ？!
另外 ，見佢話download app有優惠， App coupon 食滿200蚊可以減十蚊， 但去到埋單找數之時，佢話lunch 套餐& 飲品類 係唔計 ，感覺有啲奇怪 ，再睇返優惠券完全冇寫任何細則條款，龍門任佢擺😈， 不過十蚊唔同佢爭拗。整體上味道ok，係太肥膩啫~ 注意健康嘅人士 ，未必啱食。 埋單總數$211蚊， 性價比尚可。
Post
