Video
Read full review
2022-07-14
1095 views
616牛肉火鍋專門店成日都去，通常都係中午時間特式：呢間616好多分店，相信好多香港人都聽過，但我最鐘意去係佢尖沙咀嗰間分店（616麥子），因為佢環境最好，又唔多人，同埋呢間分店會有比較多嘅手工啤酒選擇，同埋好似淨係呢間分店先有串燒提供。食物：一人火鍋 - 最鍾意叫佢個一人火鍋，只係78蚊，但就有好多野食，有幾片牛肉，幾粒丸，兩隻蛋餃，兩舊豆腐，一隻帆立貝，一個蔬菜籃同一個主食，一個成年人已經夠飽，確實抵玩。熔岩沙嗲湯底 - 最鍾意叫佢呢個湯底用嚟淥公仔麵，入晒味，正到暈，淥烏冬都唔錯，因為佢夠杰身，都掛到汁。火鍋配料 - 佢有多款牛肉唔同既部位可以揀，蛋餃同丸質素都唔錯，如果淨係個一人鍋唔夠食，仲可以散叫佢其他肉類，lunch時段散叫餐牌其他食物有8折，幾抵食。小食 - 真心推介佢個小食，油趣魚皮，每次去親都會叫，好食到震，又爽又有少少辣，好香口惹味，送酒一流。飲品 - 有一般汽水，但最正係佢有多款手工啤酒揀，尖沙咀間分店有特別多手工啤揀，呢個都係我會成日去尖沙咀分店嘅原因。環境：餐廳環境好好，地方闊落光猛，枱又夠大，lunch時間又唔多人，坐得好舒服，又唔嘈唔迫。服務：服務態度非常
成日都去，通常都係中午時間
特式：呢間616好多分店，相信好多香港人都聽過，但我最鐘意去係佢尖沙咀嗰間分店（616麥子），因為佢環境最好，又唔多人，同埋呢間分店會有比較多嘅手工啤酒選擇，同埋好似淨係呢間分店先有串燒提供。
食物：
一人火鍋 - 最鍾意叫佢個一人火鍋，只係78蚊，但就有好多野食，有幾片牛肉，幾粒丸，兩隻蛋餃，兩舊豆腐，一隻帆立貝，一個蔬菜籃同一個主食，一個成年人已經夠飽，確實抵玩。
熔岩沙嗲湯底 - 最鍾意叫佢呢個湯底用嚟淥公仔麵，入晒味，正到暈，淥烏冬都唔錯，因為佢夠杰身，都掛到汁。
火鍋配料 - 佢有多款牛肉唔同既部位可以揀，蛋餃同丸質素都唔錯，如果淨係個一人鍋唔夠食，仲可以散叫佢其他肉類，lunch時段散叫餐牌其他食物有8折，幾抵食。
小食 - 真心推介佢個小食，油趣魚皮，每次去親都會叫，好食到震，又爽又有少少辣，好香口惹味，送酒一流。
飲品 - 有一般汽水，但最正係佢有多款手工啤酒揀，尖沙咀間分店有特別多手工啤揀，呢個都係我會成日去尖沙咀分店嘅原因。
環境：餐廳環境好好，地方闊落光猛，枱又夠大，lunch時間又唔多人，坐得好舒服，又唔嘈唔迫。
服務：服務態度非常好，職員會好有禮貌好用心介紹食品食材，又會推介佢地既手工啤酒。
價錢：人均大約150。
總結：呢個價錢食到咁既火鍋係抵食，食物又好，又可以飲到唔既手工啤，又可以揀食下小食/串燒，極之推介。
34 views
0 likes
0 comments
34 views
0 likes
0 comments
Post
