孖寶車仔麵

Open Now

Now Closed

葵涌廣場真係好多嘢食，花多眼亂唔知揀邊間好，但大部份都係掃街，想坐定定食有啲難，於是揀咗呢間孖寶車仔麵！佢喺地下嗰層，都幾大間！佢主打車仔麵，除咗車仔麵之外，仲有其他香港地道小食好似水魷魚、魚蛋燒賣等等！我叫咗個車仔麵、腸粉同燒賣！配料揀咗蘿蔔、魚蛋同埋豬皮！蘿蔔煮得好入味，味道清甜，魚蛋同豬皮都好彈牙，整體啲配料都唔錯最正嘅係呢度有菜甫可以隨便任加，有辣有唔辣腸粉好滑，加上麻醬甜醬同豉油食已經好正燒賣都幾好食，唔係食麵粉團！喺葵涌廣場想坐低食嘢，呢度係一個幾好嘅選擇