炭兎

Open Now

Now Closed

今日黎到灣仔QRE Plaza嘅炭兎，餐廳由日本師傅主理，而且餐廳氣氛超好，甘岩撞正有其他客人生日，餐廳安排所有在坐客人人手一杯酒，一齊為壽星舉杯慶祝。-我地叫左半打鐵盒燒廣島生蠔，另外仲加左熱溶芝士，生蠔勁大隻，差吾多有手掌大，而且每隻都多汁肥美，就甘食已經好鮮味，加上芝士又係另一種風味。-炭燒名古屋交趾雞嘅份量都吾少，雞肉熱辣辣，味道都出色，側邊仲會有少少辣醬，沾上食更惹味。-我地仲叫左鵝肝醬伴法國麵包，滿滿嘅鵝肝醬塗上法包同梳打餅上面，見到就已經留晒口水，鵝肝醬嘅鹹香配上法包嘅口感，簡直冇得頂。-我地叫左一條烤魚，魚會串住放起炭爐側邊慢烤，睇住條魚慢慢變熟，一邊睇一邊期待，味道方面稍微有d太鹹，不過魚肉口感嫩滑，整體不過不失。-最後我地仲點左幾串串燒，分別有雞、豬、牛，當啦中特別鐘意牛舌串同豚五花包生蠔串。牛舌鹽燒調味幾吾錯，而且烤得岩岩好。而豚五花包生蠔串亦都好好食，豚五花嘅脂肪感加上生蠔，口感好特別。-最後再黎個法式栗子蛋糕，栗子蓉綿滑，入面嘅蛋糕好鬆軟，味道吾會太甜，而且甜而不膩，造型亦都好打卡able，吾錯。