Video
Read full review
2021-03-07
7842 views
❀ Tosca di Angelo #尖沙咀 ❀❗️香港頂峰 嘆盡米芝蓮一星意大利菜❗️——————————————————位於全港最高嘅酒店Ritz Carlton，呢間米芝蓮一星嘅意大利菜係唔少人嘅慶祝之選，而今年我嘅情人節都選擇咗喺呢度💞坐擁維港兩岸，醉人嘅景色盡在眼簾。裝修華麗，高樓底，大型吊燈，有種高貴得來又帶點詭秘嘅感覺~️仲有中間嘅開放式廚房，可以望到嗰個廚師喺度烹調🤩值得一題係，當日仲見到大廚特登出嚟同大家打招呼，非常親切💖！.大廚Angelo來自於意大利西西里，當地有唔少海鮮，大廚自小就同爸爸一齊四處尋覓海鮮，所以呢度嘅菜式好多都會加入左海鮮嘅元素🐟另外大廚係已故名廚 Joel Robuchon 的高徒，曾經喺香港為L'Atelier de Joel Robuchon 奪下米芝蓮三星，來頭絕對唔細！至於作為傳統五星級酒店，服務態度好就當然唔少得，店員都會詳細介紹菜式，亦會時刻留意你嘅需要👌🏻不過當日嘅情人節菜式就唔算好有情人節嘅元素(除咗甜品)，而且全部都要額外再加錢，不過感覺未算太有驚喜，反而恒常嘅菜式更得我心🙈。.✷𝑀𝑒𝓃𝓊✷(💖: 情人節獨有菜式)☞ 4-course
❗️香港頂峰 嘆盡米芝蓮一星意大利菜❗️
——————————————————
位於全港最高嘅酒店Ritz Carlton，呢間米芝蓮一星嘅意大利菜係唔少人嘅慶祝之選，而今年我嘅情人節都選擇咗喺呢度💞坐擁維港兩岸，醉人嘅景色盡在眼簾。裝修華麗，高樓底，大型吊燈，有種高貴得來又帶點詭秘嘅感覺~️仲有中間嘅開放式廚房，可以望到嗰個廚師喺度烹調🤩值得一題係，當日仲見到大廚特登出嚟同大家打招呼，非常親切💖！
.
大廚Angelo來自於意大利西西里，當地有唔少海鮮，大廚自小就同爸爸一齊四處尋覓海鮮，所以呢度嘅菜式好多都會加入左海鮮嘅元素🐟另外大廚係已故名廚 Joel Robuchon 的高徒，曾經喺香港為L'Atelier de Joel Robuchon 奪下米芝蓮三星，來頭絕對唔細！至於作為傳統五星級酒店，服務態度好就當然唔少得，店員都會詳細介紹菜式，亦會時刻留意你嘅需要👌🏻不過當日嘅情人節菜式就唔算好有情人節嘅元素(除咗甜品)，而且全部都要額外再加錢，不過感覺未算太有驚喜，反而恒常嘅菜式更得我心🙈。
.
✷𝑀𝑒𝓃𝓊✷
(💖: 情人節獨有菜式)
☞ 4-course lunch menu $888
♥ Sourdough with olive oil🥖 (4.5/5)
第一次見到對橄欖油咁有考究嘅餐廳。有成五款唔同嘅選擇，由淡至濃，而且每款都散發着唔同嘅香氣。我哋揀得最淡嘅蘋果香草，同埋最濃郁嘅Artichoke white truffle，神奇地真係會有好強烈嘅分別，點埋佢哋出色熱辣辣嘅sourdough，好好食😋！
Bread
168 views
0 likes
0 comments
.
♥ Amuse Bouche 🥗
✦ 蟹肉南瓜蓉 (4.2/5)
同所有嘅fine dining一樣，嚟到都會送上歡迎前菜。今次呢款主要用蟹肉做主，配上香甜嘅南瓜同埋清新酸甜蕃茄，的確係一個幾開胃嘅前菜。
Amuse Bouche
113 views
0 likes
0 comments
.
♥ 前菜 🧆
✦油甘魚及吉拉多生蠔他他 +$160💖 (4.3/5)
第一款情人節嘅菜式，不過其實同情人節冇乜太大關係🧐。
將生牛肉他他換上大廚擅長嘅海鮮-切粒油甘魚同生蠔製成，再加上矜貴嘅魚子醬，成件事的確非常鮮甜☺️。底下配上酸酸地嘅牛油果醬，的確係幾清新。
油甘魚及吉拉多生蠔他他
88 views
0 likes
0 comments
.
✦ 生牛肉Carpaccio (4.2/5)
用上肌肉多脂肪少嘅牛肉製成，所以入口有少少韌度，咀嚼下更能感受到牛肉嘅香氣🥰。
配上鹹香30六個月嘅芝士同埋火箭菜，係一個好正宗嘅carpaccio，冇太大驚喜但係好食。
生牛肉Carpaccio
56 views
0 likes
0 comments
.
♥ 第一道菜
✦ 黑松露野菌芝士手造千層麵 +$190 💖 (4.3/5)
另一到情人節嘅菜式，不過都係同情人節冇乜關係🧐。一共有三層三層千層麵，夾雜着黑松露醬、菇菌、芝士，再灑上黑松露切絲、香蔥等等，係一個一口嘅香濃惹味千層麵🥰。
黑松露野菌芝士手造千層麵
118 views
0 likes
0 comments
黑松露野菌芝士手造千層麵
53 views
0 likes
0 comments
.
✦ 烏魚子白肉鮮魚意大利粉(4.3/5)
繼續貫徹海鮮嘅特色，醬汁用上鱸魚、鯛魚、多寶魚製成，仲混入埋台灣嘅烏魚子，原來係因為大廚曾經喺台灣逗留過兩、三年😯！
醬汁本身帶有少少魚嘅鮮味，在細細咬一啖鹹香烏魚子，真係好夾，好食😋！
另外仲有少少鮮魚碎，令到成件事更加鮮甜。
值得一題係我好鍾意佢哋個意大利粉，果然係一星期意大利餐廳，嗰種粗幼軟硬拿捏得剛剛好，有少少咬口但又唔會過硬，係成餐最難忘嘅一道菜。
烏魚子白肉鮮魚意大利粉
132 views
1 likes
0 comments
.
♥ 主菜
✦ 海魴魚 菊苣 北海道海膽 +$220💖(4.1/5)
誤打誤撞兩度主菜都嗌左魚，不過既然海鮮係主廚嘅強項，咁都冇壞嘅，不過我自己就覺得呢款唔算好特別🙈。
首先繼續同情人節冇關係，不過就加咗海膽少少名貴嘅食材🧐。
微微煎香，肉質偏紮實，表面加上少少酸甜醃製蘿蔔，簡單味道，好食但唔印象深刻。
不過北海道海膽嘅質素真係好高嘅，鮮甜滑溜。
紅石斑魚 馬塔羅塔魚湯 橄欖 水瓜柳 蕃茄
104 views
0 likes
0 comments
.
✦ 紅石斑魚 馬塔羅塔魚湯 橄欖 水瓜柳 蕃茄(4.2/5)
而呢道常有嘅菜式唔需要加錢，反而更獨特同出色，聽講亦係佢哋嘅招牌菜🔥。
用上蒸煮嘅方法，外國菜式較少見，而且外國廚師通常都冇咁善於蒸魚，但呢道魚都算蒸得剛剛好，只係本身魚質都係偏紮實。
跟上大廚調配嘅馬塔羅塔魚湯，少少似蕃茄羅宋湯咁，酸酸甜甜。最正係佢側面嘅脆餅，點一點啲湯嚟食超好味😋。
海魴魚 菊苣 北海道海膽
26 views
0 likes
0 comments
.
♥ Dessert
✦ 白朱古力蛋糕 黑加倫子 士多啤梨雪糕 +$100💖(4.2/5)
終於有一道係有返少少情人節氣氛，覺得今餐甜品比起鹹食出色😆。
心形甜品，層次豐富。先有表面半透明嘅香脆紅莓玻璃糖皮，內裏包含着酸度高嘅黑加倫子醬、香滑無假味嘅杏仁忌廉，香脆牛油味重嘅餅乾，青檸皮、蛋糕底、白朱古力、士多啤梨sorbet、紅莓醬。
成件甜品真係幾酸但又幾refreshing，成完咁多主菜後作結尾幾好🥰。
白朱古力蛋糕 黑加倫子 士多啤梨雪糕
31 views
0 likes
0 comments
.
✦ 意大利提拉米蘇 咖啡沙冰(4.5/5)
歸為意大利一聲米芝蓮餐廳，又點可以唔試吓佢哋嘅提拉米蘇。除咗一般嘅mascarpone, lady finger之外，特別地將面頭嘅Mascarpone製成泡沫，仲加入埋啲香脆餅碎，配上苦澀度剛好嘅咖啡，真係幾出色😋！
意大利提拉米蘇 咖啡沙冰
29 views
1 likes
0 comments
.
♥ Petite Four (4.2/5)
最後亦與所有fine dining一樣，送上petite four。分別有榛子朱古力、馬德蓮、紅莓泡芙，三款都好味，同埋一杯解膩嘅lemoncello作結😚。
Petite four
37 views
0 likes
0 comments
——————————————————
✨整體味道: 4.2/5
✨環境裝修: 4.7/5
✨服務態度: 4.7/5
✨性價比: 3.8/5
✨再訪興趣: 3.5/5
.
💞整體來講
意大利人一向出名對食物有執着，而且較少改變既有嘅煮法，喺呢度都有類似嘅感覺。所有菜式都係好食，但都係較為常接觸到嘅味道，未有太大驚喜，不過係較為穩陣嘅選擇。至於環境、服務就當然都好高質，喺度食飯居高臨下，望住香港嘅景色的確幾浪漫。
P.S. 明明我哋起碼嗌咗四道要加錢嘅餸，但唔知點解最後淨係計左$160同埋$220嗰兩道😯 (希望佢哋而家睇唔會計返我錢啦😂)
Post
