麺匠 真武咲弥 (Moved) New Location

返工咁攰，放工想食拉麵獎勵下自己。因為前幾日先食完鳥華亭，今日想試下新野，於是就嚟咗呢間拉麵店啦！😆我嚟到嘅時候已經五點39分，錯過咗下午茶🙀今次嗌左灸燒醬油拉麵($80+10%)湯底熱辣辣，味道香濃偏咸，入邊有燒肉粒同叉燒。飲佢哋嘅湯，覺得質感同其他拉麵店嘅湯底有啲唔同，後來先知原來呢間嘅湯底用鑊炒出黎。湯底味道方面都幾重口味，就咁飲感覺有啲膩。麵條非常彈牙，掛湯力強，每條都充滿醬油香。-我係一個好鍾意飲湯既人，對我黎講，呢個湯底實在太濃味，唔岩就咁飲，不過都值得一試既👍🏻我諗我都會再回頭，試埋味噌湯底！